Joldaýda ekologııalyq mádenıetti damytýǵa erekshe mán berildi
«2020 jylǵy 1 qyrkúıektegi Qazaqstan halqyna Joldaýynda Memleket basshysy Qasym-Jomart Toqaev qoljetimdi ári sapaly bilim alýdy, balalardyń mektepke deıin jan-jaqty damý máselesin, 2025 jylǵa deıin 6 jasqa deıingi balalardy 100 paıyz mektepke deıingi oqý men tárbıemen qamtýdyń sheshý joldaryn aıqyndady. Sondaı-aq, balalarymyz qaı jerde tursa da, qandaı tilde oqysa da sapaly bilim alýy kerek ekenin atap aıtty. Prezıdent Úkimetke Qazaqstan halqynyń turmys jaǵdaıy men ál-aýqatyn jaqsartý máselesi boıynsha naqty tapsyrma berdi. Bilim berý áleýetin kóterý barysynda qomaqty qarajat bólinýi josparlanýda», – dedi departament basshysy.
Sonymen birge, ol balalarǵa ekologııa jaıly tárbıe berý jáne jalpy ekologııalyq mádenıetti damytýǵa erekshe mán berilgenin aıtty.
«Prezıdent elimizdiń árbir azamatyna qatysty ekologııa men qorshaǵan ortany qorǵaý máselesine de toqtaldy. Balalarǵa qorshaǵan ortaǵa qurmetpen qaraýdy, tabıǵatqa degen oılaý qabiletin damytýdy qalyptastyrý. Qorshaǵan ortamen qarym qatynasta bolýdy, ósimdikter men janýarlarǵa qamqorlyq kórsetýdi, tabıǵatpen úılesimdi ómir súrýdi balaǵa erte jastan úıretý qajet. Osyǵan baılanysty mektepterde kázirgi ýaqytta «Ekologııa» páni oqytylýda», – deıdi G. Ermekbaeva.
Sondaı-aq, ol Prezıdenttiń erekshe nazaryna alynǵan máselelerdiń biri balalar quqyǵyn qorǵaý ekenin atap ótti.
«Balalardy kıberbýllıngten qorǵaý, sport sektsııalary men úıirmelerine qosa qosymsha bilim berý mekemelerin ashý ákimdikter men bilim berý mekemeleriniń júzege asyratyn isi bolyp tabylady», – dep tolyqtyrdy spıker.