Joldaýda bilim men mamandyq ıgerýge basymdyq berýde úlken mán jatyr - M. Jurynov

«Ekonomıkany ártaraptandyrý, ony keń kólemde damytý - kez kelgen memleketke turaqtylyq beredi. Qazaqstanǵa da solaı. Sondyqtan da, metallýrgııany, munaı shyǵarýdy ǵana kózdemeı, ekonomıkanyń basqa da baǵyttaryn qoldaý asa mańyzdy. Máselen, mal sharýashylyǵyn alsaq, qazaqtyń jeriniń múmkindigi qandaı? Damyǵan arab elderin alyp qarasaq, ol elderdiń jerinde qum men tastan basqa eshteńe joq, biraq sharýashylyǵy myǵym. Bıdaıdy, jemis-jıdektiń túr-túrin ósiredi. Al bizdiń bos jatqan Betpaqdalamyzdyń qunarlylyǵy olardyń jerinen eselep artyq. Bul Qazaqstannyń keleshektegi mol múmkindigi», - deıdi M. Jurynov.

Akademııa basshysynyń aıtýynsha, Elbasy Joldaýynda bilim berý men mamandyqty ıgerýge basymdyq berýiniń ózinde da úlken mán jatyr.

«Prezıdent birinshi mamandyqty ıgerem deýshilerdi tegin oqytý máselesin aıtty. Memleket bul úshin qarjy bóledi. Onyń qaıtarymy da zor. ıAǵnı, endigide jyl saıyn mektep pen joǵary oqý ornyn bitirgender jumyssyzdar sapyn arttyra bermeıdi degen sóz. Olar qolyna mamandyq alady, al ony alǵan jastar beker otyrmaıdy, jumysty mamandyǵyna saı izdeıdi. Osynyń ózi el damýyna óz paıdasyn tıgizedi», - dedi M. Jurynov.

Budan bólek, sheteldegi qarjylardy elimizge qaıtarý týraly máselege de toqtalǵan ǵalym, bunyń da el damýy úshin asa qajetti bastama ekenin alǵa tartty.

«Keńes odaǵyndaǵy mentalıtet boıynsha baılar qýdalandy. Keıinnen demokratııalyq el ornatqanymyzǵa qaramastan, bolashaqqa senbeı qarajattaryn shetelge shyǵarǵandar barshylyq Endi Elbasy ózi kepildik bergendeı bolyp, olardyń qarjysyn elge ákeltýge shaqyryp otyr. Elimizdiń baılyǵy shetelde qalmasyn, óz eline paıdasyn tıgizsin dep otyr. Osyndaı bastamanyń bárin de iske asyrsa, onda biz eshkimnen kem bolmaımyz», - dedi M. Jurnov.

Onyń aıtýynsha, Qazaqstan halqy eshkimnen kem emes, kerisinshe birqatar elderden bilimi, ilimi jaǵynan alda tur.