Joldaýda bilim men ǵylym, Qazaqstan halyqtarynyń rýhanı damýy basty negizge alynǵan - stýdent pikiri
ALMATY. 1 aqpan. QazAqparat /Ádilet Musahaev/ - Elbasynyń bıylǵy halyqqa Joldaýynda densaýlyq, ǵylym men bilim, til, qarjy, aýyl sharýashylyǵy, elimizdiń ekonomıkasy jáne taǵy da basqa máseleler qarastyryldy. Osylardyń ishindegi bilim men ǵylym, Qazaqstan halyqtarynyń rýhanı damýy jáne til jaǵy basty negizge alynǵan.
Bul jaıynda QazUÝ-dyń hımııa fakýltetiniń 2-kýrs stýdenti Araılym Toıbazarova QazAqparat tilshisine bergen suhbatynda aıtty.
Stýdent: "Osydan 13 jyl buryn, ıaǵnı 1998 jyly Elbasymyz Qazaqstan halqyna alǵashqy Joldaýynda elimizdiń 2030 jylǵa deıingi damý strategııasy -qoǵamymyzdyń keleshektegi kelbeti men memleketimizdiń maqsat-muraty baıan etilgeni jáne sol joldy tańdaı otyryp, durys sheshim jasaǵanymyzdy aıtqan. Qazaqstan ótpeli kezeńnen oıdaǵydaı ótti ári óz damýynyń sapalyq jańa kezeńine nyq senimmen qadam basty», - dedi.
Sondaı-aq ol bilimdiliktiń basty faktory týǵan tilinde sóıleý men ony syılaýdan bastalatyndyǵyna toqtala kele, Joldaýdaǵy «qazir bizdiń tildik dárejemiz 70 paıyzdy quraıdy. Eger taǵy da eńbek eter bolsaq, biz odan da joǵary dárejege qol jetkizemiz!», degen Elbasynyń sózi ózin qanattandyrǵanyn aıtady.
