Joldaýda aıtylǵan jumystar birneshe jylǵa josparlanýy qajet – sarapshy
«Prezıdent Qasym-Jomart Toqaevtyń Qazaqstan halqyna joldaýynyń QR Parlamenti sessııasynyń jańa maýsymynyń ashylýynda jarııalanýy dástúrge aınalyp otyr. Bul óz kezeginde jańa saıası maýsymdy jańa mindetter, tapsyrmalar kútip turǵanyn, olardy júzege asyrýǵa bıliktiń barlyq tarmaqtary jaýapty ekendigin ańǵartady. Memleket basshysy Dúnıejúzilik densaýlyq saqtaý uıymynyń boljamyna súıenip, pandemııany tolyq jeńý úshin keminde 2 jyl ýaqyt qajettigin eskertti. ıAǵnı Joldaýda belgilengen baǵyttar boıynsha aýqymdy jumystar bir jyl kóleminde emes, birneshe jylǵa keshendi josparlaýdy talap etedi», - deıdi sarapshy.
Joldaýda kóterilgen máseleler men pandemııada aıqyn kóringen memlekettik basqarýdaǵy kemshilikter men qatelikter alynǵan sabaqtar men tereń taldaý barysynda júzege asyrylýy tıis.
QR Prezıdenti Q.K.Toqaev áleýmettik saladaǵy jáne ekonomıkany qoldaýǵa baǵyttalǵan barlyq mindettemeler oryndalatynyn, áleýmettik tólemderdi ındeksatsııalaý jumysy jalǵasatynyn, saıası reformalar tereńdetiletinin alǵa tartyp, elimizdiń qazirgi geosaıası ahýalǵa beıimdelip, jańa álemde óziniń laıyqty ornyn alatynyn aıtyp ótti. Bul úshin birinshi kezekte memlekettik basqarýdyń jańa modelin engizý, jańa jaǵdaıda ekonomıkany damytý mańyzdy sharttar bolmaq.
«Pandemııa densaýlyq saqtaý, bilim berý júıesiniń, halyqtyń áleýmettik qorǵalýynyń, adam quqyqtary men múddeleriniń saqtalýynyń jańa deıgeıge kóterilip, sapalyq jaǵynan jetilýi qajettigin kórsetti. Budan bólek memlekettik basqarýdyń barlyq salalaryn tsıfrlandyrýǵa kóshirý – kezek kúttirmeıtin talap, eń bastysy – tsıfrlyq teńsizdik máselesin óńirlik deńgeıinde sheshý qajet. Qorytyndy baǵyt retinde Memleket basshysy ulttyń jańa bolmysyn qalyptastyrý mindetin qoıdy, bul baǵyttaǵy oı-tujyrymdar birqatar basylymdaǵy suhbattarynda aıtylyp kelgen bolatyn. Osy oraıda ekologııalyq sana qalyptastyrý da mańyzdy», - dedi Ásel Nazarbetova.
