Joldaýda aıtylǵan árbir tapsyrmany oryndaýǵa barynsha kúsh salý kerek - depýtat

NUR-SULTAN. QazAqparat - Joldaýda kórsetilgen árbir tapsyrmany oryndaýǵa barynsha kúsh salý kerek. Parlament Májilisiniń zańnama jáne sot-quqyqtyq reforma komıtetiniń múshesi, depýtat Qanat Mýsın Memleket basshysynyń Qazaqstan halqyna jyl saıynǵy dástúrli Joldaýyna qatysty osyndaı pikir aıtty, dep habarlaıdy QazAqparat tilshisi.

«Prezıdent joldaýynda, eń aldymen, Qazaqstannyń áleýmettik ál-aýqatyn jaqsartý úshin qabyldanýy kerek naqty sharalar kórsetilgen. Men Joldaýda kórsetilgen sharalardy tolyǵymen qoldaımyn. Depýtat retinde Joldaýda aıtylǵan tapsyrmalardy júzege asyrýǵa kúsh salamyn. Ár qazaqstandyqtyń ál-aýqatyn arttyrý úshin Memleket basshysy usynǵan sharalar erekshe nazar aýdartady. Ásirese, memleketimizdiń ál-aýqatynyń negizin qurý maqsatynda shaǵyn jáne orta bıznesti qoldaýǵa baǵyttalǵan sharalardy atap ótý kerek. Árıne, «Halyq únine qulaq asatyn memleket» tujyrymdamasyn iske asyrý úshin usynylǵan sharalar úlken nazar aýdarýdy qajet etedi», - deıdi depýtat.

Onyń aıtýynsha, Joldaýda kórsetilgen ár tapsyrma olardyń oryndalýyn qamtamasyz etý úshin barynsha kúsh jumsaýdy talap etedi.

«Meniń oıymsha, bul tapsyrmany memlekettik organdar, Úkimet pen Parlament tolyǵymen sheship jatyr. Pandemııa Qazaqstan ekonomıkasyna jáne álem ekonomıkasyna aıtarlyqtaı áser etken jaǵdaıda bul kezekten tys sharalar qabyldaýdy qajet etedi. Meniń oıymsha, bul - jaqsy qadam», - deıdi ol.