Joldaýda áleýmettik máselelerge basymdyq berildi - ǵalym

QYZYLORDA. QazAqparat - Saıası ǵylymdar kandıdaty, qoǵamdyq kelisim mekemesiniń bólim basshysy Sáýlet Sahıev Elbasy bıylǵy Joldaýda áleýmettik máselelerge basymdyq bergenin joǵary baǵalaıdy, dep habarlaıdy QazAqparat tilshisi.

Onyń aıtýynsha, Elbasynyń árbir Joldaýy úlken júıe arqyly Qazaqstannyń jarqyn damýyna, eldiń negizgi ál-aýqatyn kóterýge arnalǵan. Bul Joldaýdyń da osyndaı ózindik ereksheligi bar. Qazaqstan óziniń damý strategııasy men áleýeti arqyly dúnıe júzindegi 30 eldiń qataryna qosylý baǵytynda úlken jumystar atqaryp keledi.

«Eldiń tabysy, turmysy joǵary deńgeıde bolý qajet. Osyǵan baılanysty, Elbasy Qazaqstannyń ál-aýqaty, tabys pen turmystyq jaǵdaıyna úlken kóńil aýdaryp osy Joldaýda áleýmettik máselelerge basymdyq berdi. Negizgi eldiń qarqyndy damýdaǵy qazirgi tańda alda turǵan máseleler jáne odan shyǵý joldary. Memlekettik baǵdarlamalar qaı deńgeıde oryndalyp jatyr? Birinshi kezekte Elbasy halyqtyń turmys deńgeıi qandaı, jalaqysy, tabys kózi jolyndaǵy kedergileri qandaı degen suraqtarǵa jaýap berdi. Mınıstrler men ákimderge bıznes jolynda júrgen azamattarǵa eshqandaı tosqaýyl bolmasyn, qaıta olarǵa kómektesý máselesin jolǵa qoıdy», dedi Sáýlet Sahıev.

Ol eń basty másele - halyqtyń tabys kózi, turmysy, densaýlyǵy jaqsarǵanda ósý deńgeıi joǵarylaıtynyn aıtady. Bul ár qazaqstandyqtyń kókeıinde júrgen ózekti másele. Elbasy osy maqsatta naqty tapsymalar berdi.

Osyǵan oraı Qyzylorda oblysynda Elbasy Joldaýy aıasyndaǵy máseleler talqylaǵan oblys aktıviniń jıyny ótti.