Joldaý júzege asýda: Shymkentte 10 kásiporyn jumysshylarynyń jalaqysyn kóteredi

ShYMKENT. QazAqparat - Shymkenttegi 10 kásiporyn qyzmetkerleriniń jalaqysyn kóteretin boldy, dep habarlaıdy QazAqparat tilshisi.

Osylaısha, shymkenttik kásiporyndar Elbasy Joldaýynda aıtylǵan jalaqysy tómen jumysshylardyń tabysyn ósirý bastamasyn qoldaıtynyn bildirip otyr. Atalǵan kásiporyndar qatarynda «Otaý-qurylys» kompanııasy da bar. Munda ortasha jalaqy mólsheri - 130 myń teńge, al eń tómengi eńbekaqy - 59 myń teńge.

«Birinshi qańtardan bastap eń tómengi jalaqyny 15 paıyzǵa, al ortasha jalaqyny 10 paıyzǵa kóteremiz», - deıdi qurylys kompanııasynyń bas dırektory A. Aslan.

Aıta keteıik, eńbekkerleriniń jalaqysyn kóbeıtýdi josparlap otyrǵan kásiporyndar qatarynda «Atameken», «Shymkent tsement» sekildi ónerkásip oryndary  bar.