Joldaý júzege asýda: «Almaty jastary» baǵdarlamasymen páter alýǵa 1,2 myń azamat ótinish bergen
QR Prezıdenti Nursultan Nazarbaev bıylǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» Joldaýynda ómir súrýge jaıly orta qalyptastyrý jaıynda aıtylǵan bolatyn.
«Jaılylyq degenimiz - eń aldymen, turǵyn úıdiń qoljetimdiligi, aýlanyń ádemiligi men qaýipsizdigi, tirshilikke jáne jumys isteýge qolaıly eldi mekenniń jáne sapaly ınfraqurylymnyń bolýy», - degen bolatyn Memleket basshysy.
Elbasy azamattar turmystyq ahýalyn arttyrýda eń aldymen sapaly ári qoljetimdi turǵyn úıge qol jetkizý kerektigin aıtty.
«Búginde biz turǵyn úı qurylysyna zor serpin berip otyrǵan «Nurly jer» baǵdarlamasyn tabysty iske asyrýdamyz. Turǵyn úı ıpotekasynyń qoljetimdiligin arttyratyn jańa aýqymdaǵy «7-20-25» baǵdarlamasy qolǵa alyndy. Ákimderge jergilikti bıýdjet esebinen jeńildetilgen ıpoteka boıynsha alǵashqy jarnany ishinara sýbsıdııalaý máselesin pysyqtaýdy tapsyramyn. Mundaı turǵyn úı sertıfıkattaryn berý biliktiligi joǵary pedagogtar, medıtsına qyzmetkerleri, polıtseıler jáne óńirge qajetti basqa da mamandar úshin ıpotekanyń qol jetimdiligin arttyrady. Sondaı-aq, halyqtyń áleýmettik turǵydan álsiz toptary úshin iri qalalarda jaldamaly turǵyn úı qurylysyn ulǵaıtý qajet. Bul sharalar 250 myńnan astam otbasy úshin turǵyn úı jaǵdaıyn jaqsartýǵa múmkindik beredi. Bıýdjet esebinen salynatyn jappaı qurylys alańdaryna arnalǵan ınjenerlik ınfraqurylym júrgizýdi qosa alǵanda, memleket bes jyl ishinde 650 myń otbasyǵa nemese 2 mıllıonnan astam azamattarymyzǵa qoldaý kórsetedi», - dedi Prezıdent.
Almaty ákimdigi Prezıdent Joldaýynyń údesinen dóp shyǵatyn biregeı baǵdarlamany eki jyl boıy júzege asyryp keledi.
Qala ákimdigi men Turǵyn úı qurylys jınaq banki arasyndaǵy «Almaty jastary» biregeı baǵdarlamasy jastardyń baspana máselesin sheshýde úlken septigin tıgizip otyr.
Qala jastaryna jeńildetilgen nesıe berýge arnalǵan «Almaty jastary» baǵdarlamasy 2017 jyly qolǵa alynǵan bolatyn. Ol úshin ótken jyly jergilikti bıýdjetten 1 mlrd teńge bólingen edi.
Baǵdarlama aıasynda 2017 jyly 6 657 ótinish túsip, 108 otbasy byltyr qonys toıyn toılaǵan. Olarǵa páter kiltin 2017 jyly 15 jeltoqsanda Almaty ákimi Baýyrjan Baıbek saltanatty túrde tabystaǵan bolatyn.
Jaqsy nátıjelerge qol jetken soń bıyl da qala əkimdigi «2020 jylǵa deıin jastardy qoldaý jol kartasy» aıasynda «Almaty jastary» turǵyn úı baǵdarlamasynyń ekinshi kezeńi iske qosqan edi. Sonymen qatar, ákimdik atalǵan baǵdarlamany júzege asyrýǵa bólinetin qarjyny eki eseledi.
Bıyl osy baǵdarlama aıasynda jastarǵa arzan baspana alyp berý maqsatynda bıýdjetten 2 mlrd teńge bólindi. Bul byltyrǵymen salystyrǵanda 2 ese kóp.
Osy oraıda bıyl taǵy 150-den astam jas azamat arzan paıyzdy nesıemen baspanaǵa qol jetkizýge múmkindik alady.
«Almaty qalasy turǵyn úı jáne turǵyn úı ınspektsııasy basqarmasy» men «Turǵyn úı qurylys jınaq banki» AQ yntymaqtastyq týraly tıisti kelisimge qol qoıdy.
Baǵdarlama 35 jasqa deıingi kez kelgen sanattaǵy almatylyqtarǵa óz páterin satyp alý úshin jeńildikpen nesıe alýǵa múmkindik beredi.
«Almaty jastary» baǵdarlamasynyń basty ereksheligi paıyzdyq tólemniń tómendiginde, ıaǵnı jobaǵa qatysýshylar jyldyq mólsher 5% bolatyn 10 mln teńgege deıingi jeńildikpen nesıe ala alady. Baǵdarlama boıynsha nesıeni qaıtarý merzimi tólem qabiletine qaraı 3 jyldan 25 jylǵa deıingi aralyqta jeke jasalady. Baǵdarlama aıasynda nesıelendirýdiń ashyqtyǵy qamtamasyz etiledi. Nesıe tek bastapqy turǵyn úıdi satyp alýǵa múmkindik beredi, ony baǵdarlama qatysýshysy óz betinshe tańdaıdy», - dedi əkimdik baspasóz qyzmetinen.
Sondaı-aq, 2018 jyly baǵdarlamaǵa birqatar jańartýlar engizilgen.
Byltyr tuńǵysh bala úshin 10, keıingi ár bala úshin 15 baldan berildi. Otbasy qurǵan ár jylyna eki baldan qosyldy. Qosymsha baldarǵa menshik túrine qaramastan qalanyń áleýmettik salasynda jumys isteıtin jastar ıe boldy. Múmkindigi shekteýli jandarǵa qosymsha 10 baldan berildi. Almatynyń bıznes qalasy ekendigi eskerilip, jas kásipkerlerge de qoldaý kórsetildi, mundaǵylar ár jumys istegen jyldary úshin bir jarym baldan alǵan bolatyn.
Al bıyl birinshi balaǵa - 10 bal, al árbir kelesi balaǵa 20 baldan esepteledi. Baldyq júıede habarlandyrý shyqqannan bastap nekede 1 jyl turǵan jas jubaılarǵa 30 bal bólý qarastyrylǵan. Bıylǵy úmitkerlerdiń qujattary 9-20 shilde aralyǵynda qabyldandy. Saıttaǵy aqparatqa súıensek, bıyl 1206 adam qatysýǵa ótinish bildirgen.
«Jastar men otbasy ınstıtýtyn keshendi qoldaý memlekettik saıasattyń basymdyǵyna aınalýǵa tıis. Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek. Kelesi jyldy Jastar jyly dep jarııalaýdy usynamyn», - dedi Memleket basshysy joldaýynda.
Bul Elbasy aıtqan Jastardy qoldaý jyly aıasynda atqarylǵan is-sharalardyń bir parasy ǵana.
Odan bólek, Almatyda tuńǵysh ret «2020 jylǵa deıin jastardy qoldaýdyń jol kartasy» jasaldy. «Almaty»ÁQK» AQ-nyń qarjylandyrýymen jataqhana salý jobasy qolǵa alyndy. 2 000 oryndy tórt jataqhana qurylysy aıaqtalyp qaldy. Keler jyldan bastap 2,4 myń oryndy taǵy eki jataqhana qurylysy bastalady. Jalpy, 2020 jylǵa deıin qalada 7 myń oryndy 12 jataqhana salynady.
