Joldaý júktegen mindetterdi Qazaqstan halqynyń birligimen oryndaımyz - Q.Sultanov
ASTANA. QazAqparat - Joldaý júktegen mindetterdi Qazaqstan halqynyń birligi jaǵdaıynda oryndaımyz. Bul týraly búgin Astanada Elbasynyń Qazaqstan halqyna Joldaýyn aqparattyq nasıhattaý jumysyna baılanysty ótken baspasóz máslıhatynda QR Parlament Májilisiniń depýtatty Qýanysh Sultanov málim etti.
«Joldaý elimizdiń áleýetin kóterý, halyqtyń múmkindigin meılinshe júzege asyrý, sondaı-aq osy baǵytta jasalyp otyrǵan Elbasynyń jyldan jylǵa kóterip kele jatqan máselelerdiń naqty oryndalýy sekildi mańyzdy qadamdardy qamtyp otyr. Memleket basshysy qazir jańa mindetterdi júktedi. Bul rette bizdiń taıaý mezgildegi kezek kúttirmeıtin, ıaǵnı ekonomıkamyzǵa, qarjy sektoryna baılanysty, bıýdjet saıasaty turǵysynda jáne basqa da mańyzdy baǵyttar eskerildi»,- dep toqtaldy depýtat. Sonymen qatar Q.Sultanov bıylǵy Joldaýda jańa áleýmettik saıasat qamtylǵanyn atap ótti. «Elbasynyń basa aıtqany, burynnan belgilengen halyqtyń áleýmettik jaǵdaıyn jaqsartýǵa negizdelgen, áleýmettik nysandardyń qurylystaryn aıaqtaýǵa ekpin beriledi. Atap aıtqanda, áleýmettik mindettemelerdi oryndaý jalǵasatyndyǵyna Elbasy erekshe mán berdi. Biz osy jumystardyń barlyǵyn halyqaralyq qatynastarymyzdyń orynyqty jaǵdaıynda, el ishindegi halqymyzdyń yntymaqty jaǵdaıynda, birlik pen tatýlyq aıasynda ǵana jasaı alamyz. Sondyqtan Qazaqstan halqynyń birligimen Prezıdenttiń Joldaýyna ún qosa otyryp, eldiń jaǵdaıyn jaqsartýǵa barlyǵymyz múddeli bolyp, qatysýymyz kerek», - dedi ol. Aıta keteıik, baspasóz máslıhatynda «Nur Otan» partııasy Ortalyq apparatynyń Saıası jumys departamentiniń dırektory Rýslan Álishev «Nur Otan» partııasy Qazaqstannyń óńirlerinde «Qazaqstan jańa jahandyq naqty ahýalda: ósim, reformalar, damý» QR Prezıdenti - Elbasy N.Á.Nazarbaevtyń Qazaqstan halqyna Joldaýyn aqparattyq nasıhattaý jumysyna barlyq qurylymdardy tartqanyn málim etti. Onyń sózine qaraǵanda, bul rette partııanyń aımaqtyq jáne aýmaqtyq fılıaldary men depýtattyq korpýsqa erekshe ról júktelip otyr. Halyqqa túsindirý jumystaryna partııanyń barlyq resýrstary men múmkindikteri tartylǵan. Eń aldymen, ol 860 myńnan asa partııa músheleriniń basyn biriktirgen 5 667 bastaýysh uıymdary. «Dál osy BPU arqyly halyqpen keri baılanys qamtamasyz etilip, júrgizilip otyrǵan reformalardyń mańyzy túsindirilýde», - dedi ol. Aıta keteıik, baspasóz máslıhatynda «Nur Otan» partııasy Ortalyq apparatynyń Saıası jumys departamentiniń dırektory Rýslan Álishev «Nur Otan» partııasy Qazaqstannyń óńirlerinde «Qazaqstan jańa jahandyq naqty ahýalda: ósim, reformalar, damý» QR Prezıdenti - Elbasy N.Á.Nazarbaevtyń Qazaqstan halqyna Joldaýyn aqparattyq nasıhattaý jumysyna barlyq qurylymdar tartylǵanyn málim etti.
