Joldaý júktegen mindetter ońtústiktiń 45 eldi mekeninde túsindiriledi
ShYMKENT. QazAqparat - Ońtústik Qazaqstan oblysynda Elbasynyń «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» atty Joldaýyn nasıhattaıtyn aqparattyq-túsindirý toptary quryldy. Aımaq basshysy Janseıit Túımebaevtyń bastamasymen jasaqtalǵan jumysshy top músheleri 15 qala-aýdandaǵy 45 eldi mekenniń turǵyndarymen kezdesip, basty qujattaǵy on mindetti keńinen túsindirmek, dep habarlaıdy QazAqparat tilshisi.
Jetekshileri oblys ákiminiń orynbasarlary bolyp tabylatyn bes top alǵashqy saparlaryn Túrkistan, Kentaý qalalary men Maqtaaral, Báıdibek, Túlkibas aýdanynan bastady. Kezdesý barysynda aqparattyq top Memlekettiń basty qujaty elimizdiń qoǵamdyq-saıası ómirinde aıryqsha oryn alatynyn atap ótti. Sondaı-aq olar Joldaýdaǵy negizgi baǵyttar Qazaqstannyń álemdegi ekonomıkalyq, áleýmettik jáne tehnologııalyq salalardaǵy tereń jáne qarqyndy ózgeristerge beıimdelýine múmkindik beretinin jetkizdi.
Sonymen birge ár salanyń mamandarynan quralǵan top músheleri strategııalyq qujatta aıtylǵan basym baǵyttardyń mańyzdylyǵyna toqtalyp, turǵyndardyń ótinishteri men saýaldaryna jaýap berdi.
Kezdesý barysynda top jetekshileri ońtústikqazaqstandyqtar Elbasymyzdyń bastamalaryn qoldap, olardy iske asyrýǵa belsendi qatysyp, oblystyń áleýmettik-ekonomıkalyq damýy men saıası turaqtylyqty qamtamasyz etýge bar kúsh-jigerin salatynyna senim bildirdi.
