Joldaý júktegen mindetter: Qazaqstanda «Bolashaq búginnen bastalady!» atty patrıottar aktsııasy bastaldy

Qazaqstan jastary kongresiniń atqarýshy dırektory Shahmardan Baımanovtyń aıtýynsha, shara Taraz qalasynda QR Tuńǵysh Prezıdentiniń alleıasynda aǵash otyrǵyzýdan bastaý almaq. Keıin mundaı aktsııa Qyzylorda qalasynda ótkizilmek.

«Sodan keıin Pavlodar jáne Qostanaı qalalarynda ónertapqysh balalardyń ınnovatsııalyq kórmeleri uıymdastyrylady.  Mundaı aýqymdy sharany búkil el boıynsha ótkizý tek bizdiń ǵana bastama emes, oǵan túkpir-túkpirden 300-den astam qoǵamdyq jastar uıymdary atsalysýda», - dep atap ótti ol.

Sh. Baımanovtyń aıtýynsha, jyl sońyna deıin «Jasyl el» qozǵalysynyń belsendileri 10 myńǵa jýyq aǵash egedi, Táýelsizdigimizdiń 20 jyldyǵynda jetken jetistikterimizdi pash etetin 200-ge jýyq áleýmettik mańyzdy sharalar ótkiziledi.

Aktsııaǵa qatysýshylar - jastar qozǵalystarynyń kóshbasshylarynyń aıtýynsha, búginde Qazaqstanda jumys, oqý, shyǵarmashylyq, túrli salalardaǵy tabystarǵa jetý úshin barlyq jaǵdaılar jasalǵan. 

«Bizdi kóshbasshymyz, óz kúshimizge senimdilik pen bolashaǵymyzdyń jarqyndyǵy biriktiredi. Alaıda bul múmkindikter tek barlyq qoǵamnyń jasampaz belsendiligi kezinde ǵana naqty iske asyrylady», - deıdi olar.

Jas kóshbasshylardyń aıtýynsha, árbir qazaqstandyq jetken jetistik, meıli bızneste, oqýda, sportta, ónerde bolsyn, osynyń barlyǵy elimizdiń bolashaǵy úshin qalanǵan kirpishter ispetti.

«Óz bolashaǵymyz - óz qolymyzda. Ol tek naqty istermen ǵana jasalady. Máselen ǵylymı ashýlar, ónerkásipti iske qosý, aýrý balalarǵa kómek nemese aǵash otyrǵyzý, qurylys otrıadtarynda jumys isteý, ıa bolmasa «Dıplommen - aýylǵa» baǵdarlamasyna qatysý, sportpen shuǵyldaný jáne ónerdi damytý. Bolashaq búginnen bastalady!» - dep túıindedi jastar belsendileri.

Sonymen qatar, aktsııany uıymdastyrýshylardyń aıtýynsha,  jastar  búginginiń batyrlarynan - óz eńbegimen, bilimimen, maqsatkerligimen jetistikke jetken qazaqstandyqtardan úlgi alýlary tıis.

Baspasóz-máslıhatynda aıtylǵandaı, Qazaqstan halqyna Joldaýynda Elbasy jastarǵa patrıotızm, birlik, toleranttylyq, dene jáne rýhanı damý, zańǵa baǵynýshylyq sııaqty qasıetterdi boılaryna sińirip ósý qajettigin basa kórsetti.