Joldaý: Jas mamannyń elge adal qyzmet etý - qasıetti paryzy
Onyń aıtýynsha, elimizde memleket tarapynan jastarǵa udaıy qoldaý kórsetilip keledi.
Memleket basshysynyń ár Joldaýy - Qazaqstannyń kemel keleshegin baǵdarlap, elimizdiń jańa kókjıekterin belgileýimen qundy.
- Elbasymyz bıylǵy 5 qazanda jarııalaǵan Joldaýdyń ózime erekshe unaǵan tusy - kelesi jyldy Jastar jyly dep jarııalaýy. Endi, mine, Jastar jyly arnaıy Jarlyqpen bekitilip otyr, - dedi Araılym Ǵanı. - Kezinde Abaı, Shákárim, Mirjaqyp, Ahmet, Maǵjandardyń jastarǵa artqan senimi - búgingi bizder. Ár jas maman óziniń qalaǵan mamandyǵy boıynsha elge qyzmet etedi. Ózim bıylǵy jyly M. Ótemisov atyndaǵy Batys Qazaqstan memlekettik ýnıversıtetiniń fılologııa fakýlteti, «Fılologııa: qazaq tili» (jýrnalıstıkaǵa baǵyttalǵan) mamandyǵyn támamdap, dıplom alǵannan keıin týra eki kúnnen soń, «QR Іshki ister mınıstrligi Tótenshe jaǵdaılar komıteti Batys Qazaqstan oblysy tótenshe jaǵdaılar departamentiniń órt sóndirý jáne avarııalyq-qutqarý jumystary qyzmeti» memlekettik mekemesindegi (Oral qalasy) memlekettik til jáne aqparat tobynyń baspasóz hatshylyǵyna qyzmetke turdym.
- Araılym, oqý ornyn bitirgennen keıin birden jumys tabý da qýanysh qoı, qazir jańa ortańa beıimdelip kettiń be?
-Iá, Aqtóbe óńiriniń týmasy bolǵanymmen, Oral qalasynda alǵashqy eńbek jolymdy bastaǵanyma qýanamyn. Bul sát ómirimdegi eń baqytty kezderimniń biri bolyp qaldy. Sebebi, dıplomdy ala sala, mamandyq boıynsha jumys jasaý ózim úshin de, ata-anam úshin de abyroıly is boldy. Ózim sekildi bul qyzmette jasaıtyn birshama jastardy keziktirdim. Órt sóndirý jáne avarııalyq-qutqarý jumystary qyzmeti - ólim men ómir úshin kúres. Órtke oranǵan turǵyn úı, ondaǵy ana men bala ómiri, bireýdiń kún kórip otyrǵan mal-múlki, talaı jylǵy babasynan qalǵan shańyraǵynyń otqa oranýyn kórý órt sóndirýshilerdiń júrek tusyn shymyrlatpaı qoımaıtyny sózsiz. Alaıda, olardyń qolynan keletini - qyzyl jalynnan tirshilik ıesin aman alyp qalý ǵana. Mundaı arpalys kezinde olardyń óz otbasylaryna aman oralatynyna eshkim kepildik bere almaıdy. Mine, osyndaı qıyn da qaýipti saladaǵy eńbek jolyn ózimmen birge Kókshetaý tehnıkalyq ınstıtýtyn bitirip kelgen bıylǵy túlekter de bastaǵan edi. Búginde bárimiz óz qyzmetimiz ben mindetimizdi atqarýdamyz. Olar KTI-di úzdik bitirip, Elbasy qolynan arnaıy ataq alyp, sol eńbeginiń jemisin kóre bastady. Óıtkeni elimizdiń qaryshtap damýynda Elbasynyń úmit etken kóziniń nury - bizder, jastar. Qazaqstan Respýblıkasy Іshki ister mınıstrligi Tótenshe jaǵdaılar komıteti Kókshetaý tehnıkalyq ınstıtýty - elimizdegi qutqarýshylardy daıyndaıtyn jalǵyz joǵarǵy oqý orny. KTI «Órt qaýipsizdigi» mamandyǵy boıynsha syrttaı jáne ishteı oqý túrinen órt qaýipsizdigi bakalavry biliktiligin berý arqyly joǵary kásibı mamandardy daıarlaıdy. Bul oqý ornyn támamdaǵan túlekter ári qaraı TJ organyndarynda jáne bólimshelerinde qyzmetin jalǵastyrý úshin joldama alady. Bilim men tájirıbeni jınaqtap, elge adal, qaltqysyz qyzmet etý - bizdiń qasıetti paryzymyz. Elbasynyń osynaý Joldaýy men 2019 jyldyń Jastary jyly dep jarııalanýy eldiń erteńgi kúni úshin tereńnen tolǵanyp, jastardyń bilekti sybanyp qyzmet etetin ýaqytynyń kelgenin kórsetedi.
«Ata-baba ańsaǵan qýatty eldiń qaqpasyn quratyn bizder.
«Kel, jastar, biz bir túrli jol tabalyq,
Aram, aıla, zorlyqsyz mal tabalyq.
Óshpes ómir, taýsylmas mal bererlik
Bir bilimdi danyshpan jan tabalyq», - dep Shákárim Qudaıberdiuly jyrlaǵandaı, aram, aılasyz, taza bilimmen, jiger-yntamen, tyń ıdeıalarymyzben elimizdiń ósip-órkendeýine siz ben biz bolyp atsalysaıyq, zamandas! degim keledi», dep túıindedi oıyn A.Ǵanı.
