Joldaý - ustazdardyń mártebesin kóterýge baǵyttalǵan

 TÚRKІSTAN. QazAqparat -  Elbasy kezekti 3411515">Joldaýynda «Pedagog mártebesi týraly» zańdy ázirlep, qabyldaý qajettigin atap ótti.  Atalǵan Joldaýǵa baılanysty Túrkistan oblysy ákimdiginde brıfıng uıymdastyrylyp, onda belgili ǵalym, tarıh ǵylymdarynyń doktory Haziretáli Tursyn ustazdarǵa mártebe berý bilim júıesi men muǵalimderge úlken qoldaý ekendigin aıtty, dep habarlaıdy QazAqparat tilshisi.

Haziretáli Tursynnyń pikirinshe, bul qujat muǵalimder úshin júktemeni azaıtýǵa septigin tıgizedi. Jónsiz tekserister men mindetten  tys fýnktsııalardan arashalaıdy.

  «Muǵalim mártebesin arttyrý - adam kapıtalyn qurmetteýge baǵyttalǵan qutty qadam. Ustazdarǵa memlekettik turǵydan qoldaý kórsetilýi - kóńil qýantady. Bul turǵyda muǵalimder de ozyq tehnologııany meńgerip, bilimin jetildirip, tájirıbesin arttyryp otyrýy qajet», - dedi Qudaıbergen Tursyn.

Tarıh ǵylymdarynyń doktory sonymen qatar Prezıdenttiń  Joldaýda bilim berý mekemelerine qatysty naryqta joǵary sapaly bilim berýdi qamtamasyz etetinderi ǵana qalýǵa tıis ekendigine toqtalǵanyn atap ótti.

«Elbasynyń  qazirgi bilim ınfraqurylymynyń bazasynda «Nazarbaev Ýnıversıtet» úlgisimen óńirlik jańa joǵary oqý ornyn qurý qajettigin tapsyrdy. Memleket basshysy joǵary oqý ornynyń tabystylyǵyn baǵalaýdyń basty krıterııi - oqý bitirgen stýdentterdiń jumyspen qamtylýy, jalaqysy joǵary jumysqa ornalasýy ekendigine toqtaldy. Sebebi, naryqta joǵary sapaly bilim berýdi qamtamasyz etetinderi ǵana qalýǵa tıis. Sondaı-aq, Prezıdent joǵary bilim berý isinde oqý oryndarynyń maman daıyndaý sapasyna qatysty talaptar kúsheıtiletinin tilge tıek etti », - dedi belgili ǵalym.