Joldaý mindetteri: Petropavlda polıtsııanyń front-ofısi ashyldy

PETROPAVL. QazAqparat - Petropavlda Іshki ister basqarmasynyń ǵımaratynda ishki ister bóliminiń front-ofısi ashyldy, dep habarlaıdy QazAqparat tilshisi.

Oblystyq Polıtsııa departamenti baspasóz qyzmetiniń málimetinshe, «Tsıfrlyq Qazaqstan» baǵdarlamasy aıasynda ashylǵan front-ofıs jurtshylyqpen tikeleı baılanysta jumys isteıdi. 62 sharshy metrlik qyzmettik keńse ǵımarattyń birinshi qabatynda ornalasqan. Zamanǵa saı jabdyqtalyp, kompıýterler «Egov» elektrondyq úkimet portalyna  qosylǵan. Sondaı-aq, munda bankomat, tólem termınaly ornatyldy.

Prezıdenttiń Joldaýyn júzege asyrý barysynda ashylǵan front-ofıstiń maqsaty - sybaılas jemqorlyqqa jol bermeý, azamattarǵa yńǵaıly qyzmet kórsetý, ótinishterdi qaraý merzimin qysqartý. Mamandardyń aıtýynsha, Petropavl qalasynyń Іshki ister basqarmasyna kúnine 100-den astam astam adam keledi.  Ótinishterdiń negizi lıtsenzııalyq ruqsat alý júıesine, qylmystyq isterdi qaraý máselesine qatysty.

Front-ofıste  halyqty jergilikti polıtsııa qyzmetiniń, ákimshilik polıtsııanyń bilikti mamandary, tergeýshiler qabyldaıdy.

Eske salaıyq, Elbasy qazan aıyndaǵy Joldaýyndaquqyq qorǵaý organdarynyń jumysyn túbegeıli ózgertýdi usyndy.  Sondaı-aq halyqtyń polıtsııaǵa qatysty pikirin ózgertý qajettigin jetkizdi. Quqyq qorǵaýshy jazalaýshy emes, qıyn jaǵdaıda kómek beretin adam retinde óz abyroıyn kóterýi shart. Osy oraıda, Prezıdent quqyqqorǵaý salasyn reformalaýdyń naqty josparyn ázirleýdi tapsyrdy.

Sonymen qatar Joldaýda polıtseılerdiń jalaqysyn kóterý júkteldi.

 

Avtory: Aqerke Qabykeeva