Joldaý - qoǵamnyń barlyq salasyna serpin beretin naqty qadamdar baǵdarlamasy
ASTANA. QazAqparat - Qazaqstan Respýblıkasynyń Prezıdenti Nursultan Nazarbaevtyń bıylǵy Joldaýy - táýelsiz elimizdiń turaqty damýy, qoǵamnyń barlyq salasyna serpin beretin naqty qadamdar baǵdarlamasy.
«Qazaqstan alıýmınııi» AQ-nyń 1-JEO sheberi, tsehtyń kásipodaq komıtetiniń tóraǵasy Beısenbaı Aqjolovtyń aıtýynsha, bul Joldaý «Qazaqstan-2050» Strategııasynyń mindetteri men aldyńǵy qatarly elderdiń qataryna qosylý strategııalyq maqsatyna qol jetkizýge septigin tıgizedi, dep habarlaıdy pavlodarnews.kz.
Joldaýda básekege qabiletti eksporttyq óndiristi damytýdy kózdeıtin ındýstrııalandyrýdy jalǵastyrý mindeti júktelgen. Búgingi tańda otandyq kásiporyndar, iri zaýyttar men ónerkásip keshenderi shetel naryǵynda joǵary suranysqa ıe ónim shyǵarýǵa baǵdarlanǵan. Elimizde bastapqy óndiristen daıyn ónim shyǵarý klasteri de qurylyp jatyr. - Joldaýda aıtylǵan ındýstrııalandyrý mindeti jańa jumys oryndaryn ashýǵa, memleket qazynasyna túsetin salyq tólemderin arttyrýǵa, óndiriske jańa tehnologııalardy engizýge mol múmkindik beredi, - deıdi ol. - Bul ıgiliktiń bári el Prezıdentiniń bıylǵy Joldaýynda aıtylǵan. Men Elbasynyń taý-ken óndirisi men munaı-gaz keshenin qarqyndy ekonomıkalyq damytý saıasatyn tolyq qoldaımyn. 25 jyl ishinde tolaıym tabystarǵa jetken táýelsiz elimiz bıylǵy Joldaýda belgilengen maqsat-mindetterdi tabysty júzege asyrady degen oıdamyn.
