Joldaý Qazaqstannyń turaqtylyǵy men júıeliligin kórsetedi - ázerbaıjan sarapshysy

BAKÝ. QazAqparat - Prezıdent Nursultan Nazarbaevtyń Qazaqstan halqyna jyl saıynǵy Joldaýy úlken óńir geosaıasatyndaǵy basty trendterdiń ózindik ındıkatoryna aınalǵan. «QazAqparat» HAA tilshisine suhbat bergen «BakuNetwork» sarapshylar keńesi dırektorynyń orynbasary Gıýlnara Mamedzade osylaı dedi.

«Qazaqstannyń Memleket basshysyna qarap óńirdiń kún tártibi belgilenedi. Nursultan Nazarbaev álemge joldaıtyn úndeýlerge baılanysty Úlken Eýrazııa óńirindegi belgili bir tendentsııalar anyqtalady. Onyń ústine, Sırııa daǵdarysyn retteý jónindegi Astana kelissózderi Qazaqstan halyqaralyq deńgeıdegi moderatorǵa aınalǵanyn da kórsetti», - deıdi G. Mamedzade. 

Sarapshynyń aıtýynsha, sońǵy Joldaý Qazaqstan Prezıdentiniń ıdeıalyq jáne praktıkalyq jalǵasy ekendigin, ishki jáne syrtqy saıasat deńgeıindegi baǵdarlamalardyń izbasary ekenin tilge tıek etti.

«Árıne, Nursultan Nazarbaev Ortalyq Azııada kórshi elderdiń seriktestigi erekshe mańyzdy ekendigin atap kórsetti. Ortalyq Azııa sekildi kúrdeli ári mańyzdy óńirde qaýipsizdik, logıstıka, ekologııa máseleleri tatý kórshilik qatynastarynyń negizi bolyp tabylady», - dedi ol.

«Jalpy, Joldaý mátini Qazaqstannyń memlekettik júıesiniń jáne onyń lıderiniń turaqtylyǵy men júıeliligin kórsetedi», - dep túıdi G. Mamedzade.

 

Foto: cdn2.trend.az