Joldaý erteńgi kúnge degen senimdilikti oıatady - Baıjol Káripbaev
ASTANA. QazAqparat - QR Prezıdenti Nursultan Nazarbaevtyń Joldaýy erteńgi kúnge degen senimdilikti oıatady.
Bul pikirdi QazAqparat tilshisine E.Bóketov atyndaǵy Memlekettik ýnıversıteti fılosofııa jáne psıhologııa fakýltetiniń dekany, fılosofııa ǵylymdarynyń doktory Baıjol Káripbaev bildirdi.
«Bıylǵy jarııalanǵan Joldaý bizge Elbasymyzdyń jańa strategııalyq damý baǵytyn túsindiredi. Men joǵary bilim berý salasynda qyzmet isteıtindikten, jastardy tárbıeleýge qatysty aıtylǵan maǵynaly sózder kóńilimnen shyqty. Joldaýda synı oılaýdyń qajettiligine erekshe mańyz bólingen. Qazirgi kezde stýdentterge aqparatty tek qana oqytýdyń eski joldarymen berýden bas tartyp, jastardy synı jáne tereń oılaý daǵdylaryna qalyptastyrý asa mańyzdy. Olardy ózindik oqýǵa jáne ózindik damýǵa úıretý kerek. Antıkalyq oıshyl aıtqandaı, «shákirt - bul bilim toltyratyn bos ydys emes, jalyndaı jandyraıtyn shyraq bolýǵa tıis», - dedi ol.
Sonymen qatar ol Elbasy dinı ekstremızmniń taralýy jóninde úlken qynjylyspen aıtqanyn eske salyp, bul qubylysqa qarsy kúreste eń mańyzdy faktorlarynyń biri - ǵylymı qamtamasyz etilgen aǵartýshylyq bolýy tıistigin atap ótti.
«Osy maqsatta akademık E.Bóketov atyndaǵy Memlekettik ýnıversıtette mańyzdy jumystar atqarylýda. Ýnıversıtette Qazirgi kezdegi dinı ahýaldy keshendi saralaıtyn ǵylymı-zertteý zerthanasy belsendi jumys isteıdi jáne Dintaný murajaıy ashylý aldynda tur. Tutastaı alǵanda, bul jolǵy Joldaý erteńgi kúnge degen senimdilikti oıatady. Osynyń aıasynda, bilim berý júıesine óz bolashaǵyna ǵana jaýapty emes, óz eliniń bolashaǵy tolǵandyratyn jas tulǵany qalyptastyrýǵa degen zor jaýapkershilik júkteledi», - dedi Káripbaev.
