Joldaý elimizdiń jedel ınnovatsııalyq damýyna zor serpin beredi — Oljas Bektenov

ASTANA. KAZINFORM — Úkimet basshysy Úkimet Prezıdent Joldaýynda aıtylǵan mindetterdi jedel oryndaýǵa bar kúsh-jigerin jumyldyrady. Bul týraly Premer-mınıstr Oljas Betkenov málim etti. 

— Memleket basshysynyń «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» atty Joldaýy elimizdiń odan ári jedel ınnovatsııalyq damýyna zor serpin beredi. Qazaqstannyń bolashaǵy — tehnologııalyq órleýmen baılanysty, sondyqtan Prezıdent úsh jyl ishinde Qazaqstandy jappaı tsıfrlyq memleketke aınaldyrý týraly strategııalyq mindet qoıdy, — dedi Oljas Bektenov Úkimet otyrysynda.

Sondaı-aq Premer-mınıstr aýqymdy tsıfrlandyrý jáne jasandy ıntellekt tehnologııalaryn belsendi engizý memlekettik basqarýdyń zamanaýı tehnologııalyq júıesin qurýǵa múmkindik beretinin aıtyp otyr.

— Prezıdent atap ótkendeı, memlekettik basqarý júıesindegi tsıfrlyq tásil azamattar múddesine saı bolýyn qamtamasyz etip, ashyqtyǵy men tıimdiligin eselep arttyrady. Jappaı tsıfrlandyrý ártaraptandyrýmen qatar, ekonomıkany keshendi túrde jańǵyrtýǵa jáne Qazaqstandy jahandyq arenada básekege qabiletti el retinde damytýǵa yqpal etedi. Úkimet Joldaýda aıtylǵan mindetterdi jedel oryndaýǵa bar kúsh-jigerin jumyldyrady, — dep tolyqtyrdy Úkimet basshysy.

Buǵan deıin vıtse-premer Serik Jumanǵarın jalpy ishki ónimdi 2029 jylǵa qaraı eki ese arttyrý mindeti turǵanyn málim etken edi.