Joldaý elimizdiń erkin damýǵa qadam basqanyn dáleldeı tústi - kitaphana dırektory
ALMATY. 3 aqpan. QazAqparat /Názıra Eleýhan/ - Egemen elimizdiń erteńine degen senimdilik sezimin boıymyzǵa uıalatyp kele jatqan Elbasymyzdyń aǵymdaǵy jylǵy Joldaýy bizge úlken áser etti.
Bıylǵy Joldaýda táýelsiz memleketimizdiń ekonomıkalyq-áleýmettik damýynyń, saıası turaqtylyǵynyń tuǵyryn bekitýge baǵyttalǵan is-jospar aıqyndaldy. Al bul ár qazaqstandyq úshin óte mańyzdy, - deıdi Almatydaǵy Jambyl atyndaǵy Memlekettik jasóspirimder kitaphanasynyń dırektory Janna Abýzarova.
Onyń pikirinshe, qoǵamdyq ómirdiń ár salasy boıynsha basym baǵyttardy júzege asyrý joldaryn aıqyndaǵan bul qujat elimizdiń erkin damýǵa qadam basqanyn dáleldeı tústi. «Ótken jyly júzege asyrylǵan «Jol kartasy» baǵdarlamasynyń qaıtarymdy bolǵanyn estidik jáne kitaphana josparyna salaýatty ómir saltyn nasıhattaý, memlekettik mekemelerde jáne basqa da jerlerde ana tilin damytyp, engizý, bilim jetildirý máselesi ár qazaqstandyqtardyń mindeti, ómir boıy qajettiligi ekenin aldyńǵy orynǵa shyǵara otyryp, el erteńine negizdelgen jańa baǵdarlamalardyń da oń ózgeristerge jetkizetinine senemiz»,- dedi ol.
