Joldaý aıasynda birqatar mindetter Energetıka mınıstrligine júkteldi
«Resýrstyq áleýetti ary qaraı damytýǵa toqtalsaq, Investıtsııalar jáne damý mınıstrligi men Energetıka mınıstrligine keshendi aqparattyq tehnologııalyq tuǵyrnamalardy belsendi engizý jolymen paıdaly qazbalardy óndirý turǵysynda qadamdardy jaqsartý kerek», - dep tapsyrdy B. Saǵyntaev.
Sonymen qatar Investıtsııalar jáne damý, Energetıka, Aýyl sharýashylyǵy mınıstrlikterine óndirister men kásiporyndarda energııa tutyný normatıvterin bekitý máselesin pysyqtaý tapsyryldy.
«Energetıka mınıstrligine jańaratyn energııa kózderi salasyna ınvestıtsııalar tartý úshin jaǵdaılardy jasaý boıynsha usynystar engizý júkteledi. Munymen qosa, atalǵan mınıstrlikke óńir ákimderimen birlese bir aıdyń ishinde qatty turmystyq qaldyqtardy zaman talabyna saı ýtılızatsııalaý jáne qaıta óńdeý júıesin qurý turǵysynda jol kartasyn ázirleý tapsyrylady», - dep atap ótti Úkimet basshysy.
Bul rette Ekologııalyq kodeks pen ózge de zańnamalyq aktilerge tıisti túzetýler eskerilmek.
