Joldaý aıasynda Aýyl sharýashylyǵy mınıstrligine úlken mindetter júkteldi
ASTANA. QazAqparat - Búgin Úkimet otyrysynda QR Premer-Mınıstri Baqytjan Saǵyntaev Elbasynyń Joldaýy aıasynda Aýyl sharýashylyǵy mınıstrligine birqatar mindetterdi júktedi, dep habarlaıdy QazAqparat.
«Aýyl sharýashylyǵy mınıstrligi múddeli memorgandarmen, oblys ákimderimen birlese 1 naýryzǵa deıingi merzimde Agroónerkásiptik keshendi damytý memlekettik baǵdarlamasynyń maqsatty ındıkatorlaryn qaıta qarap shyǵyp, olarǵa qol jetkizýdiń sharalar keshenin daıarlap, Úkimetke naqty usynystardy engizýi tıis», - dep tapsyrdy B. Saǵyntaev.
Sonymen qatar QR AShM tarapy Bilim jáne ǵylym mınıstrligimen, oblys ákimderimen birge agrarlyq ǵylym men agrarlyq ýnıversıtetterdiń rólin qaıta qaraýy qajet. Bundaǵy negizgi maqsat qazirgi zamanǵy bilim men tehnologııalardy beıimdeýge arnalmaq.
«Óńir ákimderimen birlese bir aılyq merzimde aýyl sharýashylyǵy kooperatsııalaryn damytý men qoldaý sharalary boıynsha tujyrymdamalyq qadamdar usynylýy kerek», - dedi Premer-Mınıstri Aýyl sharýashylyǵy mınıstrine qarata aıtqan sózinde.
Budan bólek QR AShM tarapy Investıtsııalar jáne damý mınıstrligimen, «Atameken» UKP-men birlese otyryp, bir aıdyń ishinde otandyq ónimdi alǵa jyljytý úshin halyqaralyq naryqtardaǵy strategııalyq alańdarda irikteý júrgizý júkteldi. Osy baǵytta «Qazaqstanda jasalǵan» brendine erekshe ekpin qoıylmaq.
Atap aıtqanda, bul baǵyttaǵy jumystardyń QR Premer-Mınıstriniń orynbasary - Aýyl sharýashylyǵy mınıstri Ómirzaq Shókeev jaýapty bolady.
