«Joldaý. 2025 jyl» derekti fılmi Jibek Joly telearnasynda
ASTANA. KAZINFORM – Prezıdent teleradıokesheniniń Derekti fılmder ortalyǵy túsirgen «Joldaý. 2025 jyl» derekti fılmi kórermen nazaryna usynylady.
Derekti fılm «Jasandy ıntellekt dáýirindegi Qazaqstan: ózekti máseleler jáne ony túbegeıli tsıfrlyq ózgerister arqyly sheshý» taqyryby arqaý bolǵan Memleket basshysy Qasym-Jomart Toqaevtyń bıylǵy Qazaqstan halqyna Joldaýyna arnalǵan. Onda Joldaýda aıtylǵan elimizge qomaqty ınvestıtsııa tartý, óńdeý ónerkásibiniń damýyna jańa serpin berý, aýyl sharýashylyǵyn jańa deńgeıge kóterý, kólik-logıstıkany odan ári damytý, turǵyn úı-kommýnaldyq sharýashylyǵy men sý ınfraqurylymyn jańǵyrtý, kásipkerlerdi respýblıkamyzdy tsıfrlyq damytýdyń qozǵaýshy kúshine aınaldyrý, adam kapıtalyn damytýǵa qatysty jańa mindetter syndy mańyzdy máseleler týraly saıasatkerlerdiń, ІT mamandarynyń, ǵalymdar men kásipkerlerdiń salmaqty pikirleri qamtylady. Sondaı-aq Prezıdenttiń bir palataly Parlament qurý bastamasyna qatysty saıasattanýshylar oılarymen bólisedi.
Derekti fılmdi búgin saǵat 16:30-da kóre alasyzdar.