Joldardy sý tasqynynan qorǵaý úshin qandaı jumystar istelip jatyr
"Respýblıkalyq mańyzy bar avtomobıl joldaryn sý tasqyny kezeńine daıyndaý maqsatynda Іs-sharalar jospary bekitildi. Ortalyq jáne óńirlik deńgeıde Avtomobıl joldary komıtetiniń, «QazAvtoJol» Ulttyq kompanııasy» Aktsıonerlik qoǵamynyń, «Qazaqavtojol» Jaýapkershiligi shekteýli seriktestiginiń ókilderinen, sondaı-aq olardyń oblystyq fılıaldarynyń ókilderinen sý tasqynynyń aldyn alý jóninde komıssııalar quryldy. 10 aqpannan bastap táýliktik kezekshilik uıymdastyryldy jáne kún saıyn joldar men jol qurylystaryn patrýldeý júrgizilip, sý tasqyny qaýpi bar ýchaskeler men kópirler baqylaýǵa alynatyn bolady. Mundaı ýchaskelerge qajetti jol tehnıkasy bekitiledi",- dedi ol.
Mınıstrdiń aıtýynsha, sý tasqyny kezeńine ýaqtyly daıyndyqty uıymdastyrý úshin bekitilgen Іs-sharalar josparyna sáıkes qajetti janar-jaǵar maı, jol materıaldary jáne temirbetondy konstrýktsııalar qory qurylyp jatyr. Sý tasqynyna qarsy sharalardy atqarý kezinde óńirlerdegi klımattyq jaǵdaılar, sonymen qatar ótken jyldardaǵy sý tasqyny kezeńi qorytyndylary eskeriledi.
"Temir joldardy jáne jasandy qurylymdardy sý tasqyny kezeńine ýaqtyly daıyndaý maqsatynda, «Qazaqstan temir joly» Ulttyq kompanııasy» Aktsıonerlik qoǵamynyń buıryǵy bekitilýde. Poıyzdar úzdiksiz jáne qaýipsiz júrý úshin 1 naýryzǵa deıin ońtústik óńirde, 15 naýryzǵa deıin batys jáne shyǵys óńirlerde, al 1 sáýirge deıin soltústik aımaqta qajetti materıaldar men konstrýktsııalar tıelgen 42 arnaıy poıyz daıyndalatyn bolady", - dedi J.Qasymbek.
Sonymen qatar ol joldar men jasandy qurylǵylardyń qaýipsizdigin jáne turaqty jumys isteýin qamtamasyz etý úshin tehnıkalyq sharalar ázirlenetindigin jáne qaýipti jerlerdiń tizimi jasalyp jatqanyn aıtty.
"Aýmaqtyq uıymdarmen birlesip sý qoımalarynyń, agrotehnıkalyq bógetterdiń jaı-kúıin tekserý, sondaı-aq kúrdeli jaǵdaı týyndaǵan kezde oblystyq tótenshe jaǵdaılar bólimshelerimen ózara is-qımyl jasaý jumystary júrgizilýde. Sý tasqyny qaýpi kezeńiniń bastalýyna deıin kópirlerdiń, qubyrlardyń sý júretin joldaryn tazartý jumystary josparlanǵan. Joǵaryda kórsetilgen is-sharalar boıynsha jumystar arnaıy baqylaýǵa alyndy jáne ýaqytyly oryndalyp jatyr",- dedi mınıstr.
