Joldardaǵy kóktaıǵaqqa baılanysty eskertý jarııalandy
ASTANA. QazAqparat - Búgin qolaısyz aýa raıy, ıaǵnı qardyń jaýýy men temperatýranyń kúrt tómendeýi jáne kóktaıǵaq Aqmola, Qostanaı, Qaraǵandy oblystarynyń jekelegen aýdandarynda saqtalady.
QR IDM málimetine qaraǵanda, osyǵan baılanysty respýblıkalyq mańyzy bar jalpy uzaqtyǵy 23 696 shaqyrymdyq avtojoldarda 2015-2016 jyldardaǵy olardy qysta kútip ustaý josparyna sáıkes, «kóktaıǵaq» eskertýi jarııalandy. Osyǵan baılanysty avtojoldarǵa ýaqytyly qum sebý, avtokólikterdiń qysqa merzimde qaýipsiz jáne úzilissiz qozǵalysy, sondaı-aq aqparatty jedel jınaý qamtamasyz etilýi tıis. Qazirgi ýaqytta respýblıkalyq mańyzy bar joldarda kólikterdiń qozǵalysyn shekteý engizilgen joq. «Qazaqavtojol» RMK-yń kúshimen atalǵan oblystardyń aýmaǵyndaǵy respýblıkalyq mańyzy bar joldarda qar alyp qalatyn ýchaskelerdi qadaǵalaý, kólik ótetin jol tabanyn qardan tazartý jumystary jasalýda, qar tosqaýyldary men «taıǵanaq jol» degen ýaqytsha jol belgileri ornatyldy. Sonymen qatar qaýipti ýchaskelerde kóktaıǵaqqa qarsy materıaldar qosymsha sebilýde.
