Joldarda kólikterdiń ortasha jyldamdyǵyn ólsheıtin bolady

ASTANA. KAZINFORM – 7 jolǵa avtomatty júıe arqyly ortasha jyldamdyqty retteý engizildi. Bul týraly «QazAvtoJol» baspasóz qyzmeti habarlady.  

Respýblıkalyq mańyzy bar avtomobıl joldarynda qozǵalystyń ortasha jyldamdyǵyn baqylaıtyn avtomattandyrylǵan keshen engizildi.

Ortasha jyldamdyq kelesi ýchaskelerde baqylanady:

1. Astana — Şýchınsk (jyldamdyqqa shekteý 140 km/saǵ);

2. Astana — Pavlodar (jyldamdyqqa shekteý 140 km/saǵ);

3. Shymkent — Qyzylorda (jyldamdyqqa shekteý 110 km/saǵ);

4. Shymkent — Taraz (jyldamdyqqa shekteý 110 km/saǵ);

5. Pavlodar — Semeı — Qalbataý (jyldamdyqqa shekteý 100-110 km/saǵ);

6. Oral — RF shekarasy (Saratov) (jyldamdyqqa shekteý 100 km/saǵ);

7. Pavlodar — RF shekarasy (Omby) (jyldamdyqqa shekteý 100-110 km/saǵ).

— Qaýipsiz jol qozǵalysyn qamtamasyz etý maqsatynda jáne aıyppuldardyń aldyn alý úshin jyldamdyq rejımin saqtańyzdar, — delingen habarlamada.

Aıta ketelik elde aqyly joldarda kimder tegin júre alatyny týraly jazǵan edik.