Joldar sapasy jaǵynan Qazaqstan 117-i orynda tur
ASTANA. 20 naýryz. QazAqparat - Joldar sapasy jaǵynan Qazaqstan álemniń 144 eliniń ishinde 117-i orynda tur.
Búgin QR Parlamenti Májilisiniń jalpy otyrysynda QR Premer-Mınıstriniń atyna saýal joldaǵan depýtat Serikbaı Nurǵısaev osylaı málim etti.
Depýtattyń aıtýynsha, jyl basynan beri elimizdegi joldardyń tehnıkalyq talapqa saı bolmaýynan jolaýshylar ómirine qaýip artyp otyr. ıAǵnı, jol salasynyń jaýapkershiligin arttyratyn kez jetken. Al álemniń 144 eline júrgizilgen saraptama nátıjesinde elimizdiń joldary sapasy jaǵynan 117 oryndy ıelengen eken.
«Maqtanatyndaı jaǵdaı emes. Álem elderiniń tas joldaryn salystyra otyryp, baǵa bergen Dúnıejúzilik ekonomıkalyq forýmynyń mamandary eń sapaly joldy 7 baldyq kórsetkishpen belgilegen. Nátıjesinde, Qazaqstannyń joldary 2,7 balǵa áreń iligipti. Keń-baıtaq jerimiz ben bir-birinen shalǵaıda jatqan ólkelerdi jaqyndatatyn taqtaıdaı tegis jol ǵana ekeni sózsiz. Áıtse de qala, oblys, aýdandardaǵy ishki kóshelerdiń joly turmaq, iri qalalardyń arasyn jalǵaıtyn úlken joldarǵa aıtylar syn az emes», - deıdi S. Nurǵısaev.
Bul rette depýtat Almaty oblysyndaǵy «Qapshaǵaı-Taldyqorǵan» avtojolynyń qaıta jańartý jumystaryna toqtala otyryp, onyń barysynda oryn alyp otyrǵan olqylyqtarǵa nazar aýdartty.
