Joldar qaýipsiz bolsyn desek, 6 myń shaqyrym kópjolaqty jol salý kerek — ІІM
ASTANA. KAZINFORM — ІІM Ákimshilik polıtsııa komıtetiniń tóraǵasy Qaısar Sultanbaev qaýipsiz joldar tapshy óńirlerdi atady.
«Atyraý oblysynda birinshi sanattaǵy joldar joq. Batys Qazaqstan oblysynda osy sanattaǵy qaýipsiz joldardyń uzyndyǵy — nebári 3 shaqyrym ǵana. Al Aqtóbe oblysynda — 19 shaqyrym. Búgingi tańda 4 jáne odan da kóp jolaqtary bar 6 myń shaqyrymnan astam jol salý qajet. Árıne, zamanaýı joldardy qysqa merzimde salý múmkin emes», — deıdi komıtet basshysy.
ІІM jol uıymdarymen birge qoldanystaǵy joldarǵa 25 myń tekserý júrgizip, 45 myńnan astam kemshilikti anyqtaǵan.
«Sonyń qorytyndysy boıynsha 3,5 myńǵa jýyq laýazymdy tulǵa ákimshilik jaýapkershilikke tartyldy. Tekserýde qamtylǵan respýblıkalyq mańyzy bar joldarda 200 shaqyrymnan astam tańba syzyp, 2,5 myńǵa jýyq jol belgilerin ornatý qajet», — dedi Qaısar Sultanbaev.
