Joldan ótý kezinde telefon men qulaqqapty paıdalanbańyz
ASTANA. KAZINFORM — Іshki ister mınıstrligi jol júrisine qatysýshylarǵa úndeý jasady, dep habarlaıdy vedomstvonyń baspasóz qyzmeti.
ІІM jolda qaýipsizdik sharalaryn qatań saqtaýǵa shaqyrady. Jaıaý júrginshiler — jol qozǵalysynyń eń mańyzdy ári osal qatysýshylarynyń biri. Olardyń qaýipsizdigi tek jol boıynda ǵana emes, jaıaý júrginshiler joldary men arnaıy aımaqtarda da erekshe nazarda bolýy tıis.
— ІІM jolda qaýipsizdik sharalaryn qatań saqtaýǵa shaqyrady. Asyqpaı júrý, qoldy qaltaǵa salmaý jáne ár qadamǵa muqııat mán berý mańyzdy. Joldy tek jaıaý júrginshiler ótkeli arqyly, kólik quraldarynyń tolyq toqtaǵanyna kóz jetkizgennen keıin ǵana kesip ótińiz. Joldan ótý kezinde telefon men qulaqqapty paıdalanbańyz. Ózińizdi jáne jaqyndaryńyzdy qorǵańyz, — dedi ІІM ÁPK-niń erekshe tapsyrmalar jónindegi aǵa ınspektory Aqtoty Boranova.
Budan buryn habarlanǵandaı, Astana qalalyq TJD kúnniń kúrt buzylýyna baılanysty turǵyndarǵa eskertý jasady.