«Joldaǵy qabyldaý»: Polıtseıler onlaın rejımde turǵyndar ótinishin tyńdaıdy
TALDYQORǴAN. QazAqparat - Almaty oblysynda dástúrli «Joldaǵy qabyldaý» aktsııasy jańa formatta óz jumysyn bastady, dep habarlaıdy QazAqparat tilshisi.
Bul joly oblys turǵyndarynyń aktsııa ótkiziletin orynǵa barýy mindetti emes. Olar úıde otyryp Internet jelisi arqyly óz suraqtaryn qoıyp, olarǵa tolyqqandy jaýap ala alady.
«Adamdardyń kóp jınalýyn jáne vırýstyq ekspansııany boldyrmaý maqsatynda QR Іshki ister mınıstrligi ınternet baılanysy arqyly aktsııa ótkizý týraly sheshim qabyldady. Osyǵan baılanysty, jumysqa áleýmettik jelilerdegi vedomstvolyq akkaýnttardy qostyq», - dedi Almaty oblysy PD Ákimshilik polıtsııa basqarmasynyń bastyǵy polıtsııa polkovnıgi Dáýlet Moldahanov.
Tikeleı efır merzimi yńǵaıly praım-taımdyq ýaqytta jáne ol jaıynda jazylýshylarǵa aldyn ala habarlanady.
«17-18 sáýir aralyǵynda birneshe onlaın rejımindegi efır júrgiziledi. Translıatsııalar Instagram jelisindegi «police_almobl« jeke paraqshasynda ótkiziledi. Barlyq kelip túsken saýaldarǵa ákimshilik polıtsııa, jergilikti polıtsııa jáne kóshi-qon qyzmetiniń basshylary jaýap beredi», - dep tolyqtyrdy polkovnık Moldahanov.
Aktsııanyń ótkizilý ýaqyty: 17.04.2020 j. saǵat 15:00-den 16:00-ge deıin Taldyqorǵan qalasynyń PB ÁPB bastyǵy polıtsııa podpolkovnıgi Samat Azatuly Esbolovtyń qatysýymen efır ótti.18.04.2020 j. saǵat 10:00-den 11:00-ge deıin Taldyqorǵan qalasynyń JPQB bastyǵy polıtsııa polkovnıgi Imandosov Batyrhan Bazarbaıulynyń qatysýymen tikeleı efır ótkiziledi.
