«Joldaǵy qabyldaý» aktsııasy: Eki kúnde polıtsııa qyzmetkerlerine 8,5 myń turǵyn júgindi

NUR-SULTAN. QazAqparat - Іshki ister mınıstri Erlan Turǵymbaev «Joldaǵy qabyldaý» respýblıkalyq aktsııasyn uzartýdy tapsyrdy. Aktsııanyń alǵashqy eki kún ishinde 8,5 myń adam keńes alǵan, dep habarlaıdy QazAqparat.

QR Іshki ister mınıstrliginiń málimetine qaraǵanda, júgingen árbir besinshi adam armıan nómiri bar avtokólik quralyn tirkeý tártibine qatysty suraǵan. Onyń ishinde 840-tan astam adam kólik quraldaryn rásimdeý boıynsha keńes aldy. Qazir bul eń ózekti másele bolǵandyqtan, kóptegen tilek bildirýshilerdiń barlyq suraqtaryna múmkindiginshe jaýap ala alatyndaı etip, azamattarǵa jaǵdaı týǵyzyp, aktsııany jalǵastyrý týraly sheshim qabyldandy.

Áleýmettik jelilerde ishki ister organdary bólinisteriniń resmı akkaýnttarynda jarty myńnan astam tikeleı efır ótkizildi. Polıtsııa qyzmetkerleri 3,7 myń suraqqa jaýap berdi. Sondaı-aq, azamattar «shuǵyl jeli» telefondaryna habarlasyp, 450 keńes aldy.

Nátıjesinde «Joldaǵy qabyldaý» aktsııasynyń 2 kúninde Armenııa Respýblıkasynan ákelingen 900-den astam avtokólik tirkelgen.

Sonymen qatar, turǵyndardy ákimshilik aıyppul tóleý, júrgizýshi kýáligin berý jáne basqa da máseleler qyzyqtyrdy.