Jolda turyp qalǵan avtobýstan 36 sheteldik qutqaryldy

PAVLODAR. KAZINFORM — Pavlodarda jolda turyp qalǵan avtobýstan 36 jolaýshy qutqaryldy. Olardyń 13-i — bala. 

Pavlodar oblysy Maı aýdany Qaraterek aýylynan 20 shaqyrym jerde sheteldik jolaýshylar mingen avtobýs isten shyǵyp turyp qalǵan. Qutqarýshylar

polıtsııa qyzmetkerlerimen birlesip, avtobýstan 36 adamdy, onyń ishinde 13 balany evakýatsııalady.

— Jolaýshylardyń barlyǵy Semeı qalasynan Shymkentke tranzıtpen bara jatqan Ózbekstan Respýblıkasynyń azamattary bolyp shyqty. Jańbyrly jáne tómen temperatýra jaǵdaıynda barlyq jolaýshy jedel túrde jaqyn mańdaǵy jylytý pýnktine jetkizilip, ystyq tamaqpen qamtamasyz etildi, — dep habarlady óńirlik tótenshe jaǵdaılar departamentinen.

Avtobýs ta eldi mekenge súıretip aparylǵan.

Qutqarýshylardyń jedel áreketteriniń arqasynda jolaýshylardyń eshqaısysyna medıtsınalyq kómek qajet bolmaǵan.

Eske sala keteıik, Pavlodar oblysynda jolaýshylar avtobýsy aýdarylyp, bir adam qaza tapty.