Jolda qalǵan 150 jýyq qyrǵyz jáne ózbek azamattary qutqaryldy - Aqmola oblysy
KÓKShETAÝ. QazAqparat - Aqmola oblysynda qatty aıazdyń saldarynan isten shyqqan avtobýstarda bolǵan 150 jýyq Qyrǵyzstan men Ózbekstan Respýblıkalarynyń azamattaryna kómek kórsetildi, dep habarlaıdy QazAqparat tilshisi.
TDJ baspasóz qyzmetiniń deregi boıynsha, aǵymdaǵy jyldyń 24 qańtarynda saǵat 06:30 shamasynda Astrahan aýdany aýmaǵyndaǵy «Almaty-Ekaterınbýrg» tas jolynyń 114 shaqyrymynda jol ashýshylarǵa avtobýs isten shyqqany týraly aqparat túsken.
«Oqıǵa ornyna jetken qutqarýshylar men tártip saqshylary avtobýstyń Qyrǵyzstannyń Djalalabad qalasynan Máskeýge baǵyt alǵanyn anyqtady. «Mersedes sprınter» avtobýsynda 22 jolaýshy bolǵan. Olardyń barlyǵy Qyrǵyzstan Respýblıkasynyń azamattary. Jolaýshylar Astrahan selosyndaǵy orta mektepke jaıǵastyrylyp, ystyq tamaq jáne jatyn orynmen qamtamasyz etildi.
Sol kúni saǵat 21:17-derde Kókshetaý qalasynyń mańynda 22 ózbekstandyq azamat otyrǵan avtobýs ta isten shyǵyp, sheteldik jolaýshylar oblys ortalyǵyndaǵy áleýmettik beıimdeý ortalyǵyna jetkizildi. Al, arada jarty saǵat ótken soń ózbekstandyqtar mingen taǵy avtobýstyń isten shyqqany anyqtaldy. Bul avtobýsta Ózbekstannyń 37 azamaty men 2 júrgizýshi bolǵan. Olar oblys ortalyǵyndaǵy «Alaman» qonaq úıine jaıǵastyryldy.
Sonymen qatar, qutqarýshylar 25 qańtarda túńgi saǵat 00:30 Qyrǵystan Respýblıkasynyń 59 azamaty men 4 júrgizýshisi bolǵan jolaýshylar avtobýsyna kómek kórsetti. Olardyń barlyǵy Kókshetaý qalasynyń áleýmettik beıimdeý ortalyǵyna jetkizilip, ystyq tamaqpen qamtamasyz etildi», dep túsindirdi baspasóz qyzmetindegiler.
