«Jolda qabyldaý» sharasy Almatynyń 7 aýdanynda keń kólemde júrgizildi
ALMATY. Qazannyń 16-sy. QazAqparat /Erbol Turymbetov/ - «Jolda qabyldaý» sharasy Almaty qalasynyń 7 aýdanynda júrgizildi. Oǵan 4 myńdaı azamat qatysty, dep habarlaıdy Almaty qalalyq ІІD Jol polıtsııasy basqarmasy.
Kópten beri Almaty qalalyq JPB «Jolda qabyldaý» sharasyn dástúrli túrde júrgizip keledi. Ondaǵy maqsat memlekettik saıasat pen Elbasy joldaýyn halyqqa túsindirý, azamattarǵa quqyqtyq, konsýltatıvtik kómek kórsetý jáne olardy basqarmanyń basshylyǵy men jetekshi mamandarynyń qabyldaýyn júzege asyrýdy kózdeıdi.
«Sharanyń burynǵy tájirıbeleri joǵary tıimdilikterin dáleldep berdi. Sonyń arqasynda, joldaǵy qıyn máseleler men qalalyqtardyń pikirin bilýge jáne eń bastysy, turǵyndarmen etene aralasýǵa múmkindik týdy. Ár ýaqytta bizder qala turǵyndary men qonaqtaryna jaqsy jaǵdaı jasaýǵa tyrysýdamyz. Sondyqtan, dál qazir olardyń barlyq aımaqtarda júrgen kólikterge baryp qajetti keńes alýlaryna bolady. Bul burynǵy sharalardan negizgi ereksheligimiz. Azamattardy qabyldaý saýda úıleri mańynda, vokzal alańdarynda jáne iri bazarlar aýmaqtarynda júrgizildi. Turǵyndarǵa jol qaýipsizdigi týraly úgit-nasıhat málimetteri taratyldy», -dedi Almaty qalalyq ІІD JPB-nyń bastyǵy Arman Sarybasov.
Aktsııaǵa 35 jol polıtsııasy qyzmetkeri, «Nur Otan» HDP-nyń 10 ókili, 7 memorgan qyzmetkeri men sonsha jol polıtsııasynyń shtattan tys qyzmetkeri jáne 5 ishki ister organdarynyń ardageri qatysty.
Shara barysynda Almaty JPB ınspektorlary men qyzmetkerlerine ár túrli suraqtar jáne ótinishterimen 3978 adam keldi. Sonymen birge, bir ýaqytta jol polıtsııasy qyzmetkerleri azamattardyń zań men konstıtýtsııalyq quqyqtaryn aqtaýǵa qatysty anketalyq suraqtar júrgizdi. Oǵan 3225 adam qatysty.
Tájirıbe kórsetkendeı, azamattardyń negizgi suraqtary men usynystary jol belgilerin, sonyń ishinde «jolaýshylar jolaǵy» men baǵdarshamdar ornatý jaıynda boldy. Oǵan qosa, almatylyqtardy úderis ortalyǵy men ákimshilik tájirıbe jumystary qyzyqtyratyny anyqtalyp otyr.
«Jolda qabyldaýdyń» aldyńǵy kezeńinde JPB ókilderine 2 myńdaı azamat kelgen bolatyn. Onyń ishinde 500-ine barlyq qajetti sharalar jasaldy.
«Jolda qabyldaý» sharasy aı saıyn ótip turady. Bul kezeń bir kún ishinde júrgizildi.
