«Jolda qabyldaý» aktsııasynyń birinshi kúninde 8 myńnan astam adam keńes aldy
Budan buryn habarlanǵandaı, 17-18 mamyr kúnderi elimizdiń túkpir-túkpirinde «Jolda qabyldaý» aktsııasynyń kezekti kezeńi ótýde. Bul - polıtsııanyń azamattarmen ózara baılanys jasaýda jańa modelge kóshýiniń bir baǵyty. 
«Aktsııanyń tek birinshi kúni 8 myńnan astam azamat «Jolda qabyldaý» keńesine júgindi. Taǵy 5,5 myń suraq áleýmettik jeli arqyly kelip tústi. Saýaldardyń kóbisi jol erejesin buzǵany úshin tirkelgen aıyppuldarǵa, kóshi-qon zańnamasynyń oryndalýyna, joldaǵy kólik qozǵalysyn uıymdastyrýǵa, avtokólikti tirkeýge, júrgizýshi kýáligin berýge qatysty boldy. Barlyq suraqtarǵa jaýap berilip, túsindirý sharalary júrgizildi», - delingen QR ІІM baspasóz qyzmetiniń habarlamasynda.
Bul mobıldi qabyldaý búgin saǵat 19:00-ge deıin jalǵasady.
Atalǵan is-sharanyń ótkiziletin orny jáne «jedel jeliniń» telefon nómirlerin ІІM-niń resmı portalynan, sondaı-aq +7 (7172) 437613 telefonyna habarlasyp bilýge bolady.
Aıta keteıik, mınıstrdiń tapsyrmasy boıynsha óńirlik ishki ister organdary osyndaı aktsııany aı saıyn ótkizip turady.