«Jolda qabyldaý» aktsııasy: Eki kúnde 16 myńǵa tarta ótinish tústi
NUR-SULTAN. QazAqparat - 17-18 mamyrda ótken «Jolda qabyldaý» aktsııasy kezinde el azamattarynan 16 myńǵa tarta ótinish kelip tústi.
Taǵy 7 myńnan astam saýal áleýmettik jelide ótkizilgen tikeleı efır barysynda joldandy. Bul týraly QR Іshki ister mınıstrliginde ótken baspasóz máslıhatynda málim boldy, dep habarldaıdy QazAqparat tilshisi.
«Aktsııa barysynda 16 myńǵa jýyq ótinim kelip tústi. Azamattar máseleleriniń 99 paıyzy óz sheshimin tapty. Saýaldardyń basym bóligi ákimshilik aıyppuldarǵa qatysty boldy. «Jolda qabyldaý» sharasynyń kelesi kezeńin bıylǵy 14-15 maýsymda ótkizý josparlanǵan» , - dedi QR ІІM Ákimshilik polıtsııasy komıteti tóraǵasynyń orynbasary Álibek Keńesbaev.
Budan buryn habarlanǵandaı, 17-18 mamyr kúnderi elimizdiń túkpir-túkpirinde «Jolda qabyldaý» aktsııasynyń kezekti kezeńi ótti.
Bul - polıtsııanyń azamattarmen ózara baılanys jasaýda jańa modelderiniń biri.
Aıta keteıik, aktsııanyń tek birinshi kúni 8 myńnan astam azamat «Jolda qabyldaý» keńesine júgindi.
Taǵy 5,5 myń suraq áleýmettik jeli arqyly kelip tústi.
Saýaldardyń kóbisi jol erejesin buzǵany úshin tirkelgen aıyppuldarǵa, kóshi-qon zańnamasynyń oryndalýyna, joldaǵy kólik qozǵalysyn uıymdastyrýǵa, avtokólikti tirkeýge, júrgizýshi kýáligin berýge qatysty boldy.
