Jolda ereje buzý jaǵdaıyn anyqtaýda kameralardyń úlesi qandaı
NUR-SULTAN. QazAqparat – Elimizdegi joldarda árbir ekinshi ereje buzý jaǵdaıy kamera arqyly tirkelip otyr. Bul týraly QR ІІM Ákimshilik polıtsııa komıteti tóraǵasynyń orynbasary Serik Túsipov aıtty, dep habarlaıdy QazAqparat tilshisi.
«Elimizdegi árbir besinshi jol-kólik oqıǵasy eldi meken aýmaǵynda jyldamdyqty asyrýdan bolyp otyr. Olarǵa 1296 jol-kólik oqıǵasy tıesili. Osynyń saldarynan 136 adam qaza bolyp, 1 628 adam dene jaraqatyn aldy», - dedi S. Túsipov onlaın brıfıngide.
Onyń aıtýynsha, atalǵan jol apattarynyń aldyn alýǵa avtomatıkalyq kameralardy ornatý eleýli áser etip otyr.
«2020 jyly jergilikti atqarýshy organdarmen ózara is-qımylda qosymsha 3,5 myń kamera ornatyldy. Osy oraıda jol erejesin buzý jaǵdaıyn anyqtaıtyn avtomatıkalyq kamera sany 13,2 myńnan asty. Bıyl olardyń kómegimen 1,6 mln jol erejesin buzý faktisi anyqtaldy. Elimizdegi árbir ekinshi ereje buzý jaǵdaıy kamera arqyly tirkelip otyr», - dedi vedomstvo ókili.
Budan buryn habarlanǵandaı, bıylǵy 7 aıda jol erejesin buzýdyń 4 mln-ǵa jýyq jaǵdaıy anyqtaldy.
