Jolda adam qaǵyp oqıǵa ornynan qashyp ketken Leksýs júrgizýshisi Almaty oblysynda ustaldy
TALDYQORǴAN. QazAqparat - Jol-patrýldik polıtsııa qyzmetkerleri Qulja kúre jolynda jaıaý júrginshini qaǵyp, odan keıin oqıǵa ornynan qashyp ketken Leksýs kóliginiń júrgizýshisin ustady. Jaıaý júrginshi sol jerde qaıtys bolǵan.
Oblystyq ІІD-niń baspasóz qyzmetinen habarlaýynsha, 8 sáýir kúni tańerteń «Almaty-Kókpek-Kóktal» kúre jolynyń 24-shi shaqyrymynda, Panfılov kentiniń janynda polıtseıler kólik qaǵyp ketý saldarynan qaza tapqan Almatynyń 24 jastaǵy turǵynynyń denesin tapty.
«Jol apaty bolǵan jerden 20-30 metr jerde jol jıeginde Qyrǵyzstan kóliginiń memlekettik nómiri tabyldy. Tirkelgen tártip buzýshylyqtardyń bazasy arqyly teksergende, biz qyrǵyz nómiri birneshe aı buryn Qulja kúre jolynda baıqalǵan «Leksýs ES-300» kóligine tıesili ekenin anyqtadyq», - dep habarlady oblystyq polıtsııadan.
Oqıǵa ornynan ketip qalǵan 1983 jylǵy júrgizýshini polıtseıler birneshe saǵattyń ishinde ustady. Onyń shınalarynń jeli yǵyp qalǵan kóligi oqıǵa ornynan 15-20 km jerden tabyldy.
Jaıaý júrginshini kólikpen qaǵyp óltirý faktisi boıynsha sot aldyndaǵy tergeý amaldary bastaldy.
