«Jolbarystyń jaǵyn aıyryp jatqan Samson» tanymal músini jańǵyrtýǵa jiberilmek
SANKT-PETERBOR. 29 jeltoqsan. QazAqparat /Elena Mıagkova/ - «Jolbarystyń jaǵyn aıyryp jatqan Samson» tanymal músini 1947 jyldan keıin alǵashqy ret Petergoftyń sý burqaqtarynyń Úlken sarqyramasyndaǵy tuǵyrynan túsip, jańǵyrtýǵa jóneltiledi.
«Petergof» murajaı-qorynyń baspasóz qyzmetinen habarlaǵandaı, jańǵyrtýshylar 2011 jyldyń sáýirine deıin músinniń altyn jalatylymyn jańartyp, qazirgi kúni apatty jaǵdaıda turǵan onyń tuǵyrdy kúrdeli jóndeýden ótkizedi. Sońǵy ret «Samsonnyń» tuǵyry 1928 jyly jóndeýden ótkizilipti.
Jumystardyń quny 14,6 mıllıon rýblden asyp otyr. Murajaı tuǵyrdy 2010 jyldyń maýsymy kezinde ózderi tapqan qarjyǵa - bıýdjetten tys aqshaǵa jóndemek, al músindi altynmen aptaý demeýshilerdiń kómegimen júzege asyrylmaq.
