Jolbarys zoobaq qyzmetkerin qabylannan qutqardy

ASTANA. QazAqparat - «Mehıkodaǵy «Teńbilsher, aq jolbarystar» zoobaǵynda oqys oqıǵa oryn aldy. Zoobaq qyzmetkeri Edýardo Serıo Darma atty qabylannyń jemtigine aınalýǵa sál-aq qaldy.

Ony jolbarys Aztlan ajaldan qutqardy.

Edýard jyrtqyshtar tirshilik keshetin qorshaýǵa jıi kirip, ondaǵy ańdardy baǵyp-qaǵatyn, erkeletetin. Biraq jaqynda onyń ańdarmen kezekti qatynasynyń sońy qaıǵymen aıaqtala jazdady.  

Edýardo Serıo 6 aq arystanmen bolǵan sátte Darma oǵan shabýyl jasamaqqa árekettengen. Arystandarmen aınalysyp jatqan Serıo tý syrtynan aqyryndap kele jatqan qabylandy baıqamaı da qaldy.

Aztlan qabylan adamǵa atylǵan sátte ony aıaǵynan qaǵyp qulatty.