Jolbarys pen eshkiniń dostyǵy safarı-baqtyń saıtyn «isten shyǵardy»
ASTANA. QazAqparat - Adamzat balasynyń nazaryn aýdarǵan «Amýr» atty jyrtqysh jolbarys pen eshki «Tımýrdyń» dostyǵy Prımore safarı-baǵynyń resmı saıtyn «isten shyǵardy», dep jazady sheteldik BAQ.
«Bizdiń saıt server hostıngtegi joǵary júktemege baılanysty oqshaýlandyryldy. Qazir ony qalypqa keltirý máselesi sheshilip jatyr», delingen safarı-baqtyń «Vkontakte» áleýmettik jelisindegi paraqshasynda.
«VVS» agenttiginiń habarlaýynsha, saıt veb-kameralar jumys isteı bastaǵan soń isten shyǵyp qalǵan. Bul kameralar arqyly kez kelgen adam Amýr men Tımýrdyń ómirin onlaın baqylaı aldy.
Eske sala keteıik, osydan bir aı buryn jolbarys Amýrǵa azyq retinde jiberilgen eshki baqta onymen birge meken etip ketti.
Kún saıyn ekeýi serýendeýge birge shyǵady. Amýr jolbarysy men eshki Tımýrdyń jýyrda áleýmettik jelilerdegi jeke paraqshalary paıda boldy.
