Jolbarys atqan brakoner isti boldy
ASTANA. QazAqparat - Sot 2013 jyldyń mamyr aıynda amýr jolbarysyn atqan brakonerge qatysty sheshim shyǵardy.
Prımore ólkesi prokýrorynyń aǵa kómekshisi Elena Telegına habarlaǵandaı, bul qylmys úshin sot aıypkerdi 1,5 jyl merzimge túzeý jumystaryn atqarýdy mindettedi. Alaıda buǵan deıin jasaǵan qylmystaryna qatysty sheshimge sáıkes er adam 2,5 jyl qatal rejımdegi túzetý mekemesinde jazasyn óteıdi. Sondaı-aq ol jolbarysty óltirgeni úshin federaldy bıýdjetke 726 myń rýbl aıyppul tóleýge májbúr.
Prımore jáne Habarovsk ólkeleriniń aýmaǵyn 500-ge jýyq amýr jolbarysy mekendeıdi. Jyl saıyn ár túrli sebeptermen 30-50 janýar óledi. Negizinen brakonerlerdiń kesirinen, dep habarlady ITAR-TASS.
