Jolbarystar qasqyr men qulandy da aýlaýy múmkin
ASTANA. KAZINFORM — Qazaqstan tabıǵatyna qaıta oralǵan jolbarystar qasqyr men qulandy da aýlaýy múmkin. Bul týraly Ekologııa jáne tabıǵı resýrstar mınıstri Álibek Qýantyrov málimdedi.
Mınıstrden «Іle-Balqash» rezervatyna jolbarystardyń jiberilýi osy aýmaqta burynnan mekendeıtin jyrtqyshtarǵa qalaı áser etetini suraldy.
Onyń aıtýynsha, jolbarystar tabıǵattaǵy qorektik tizbektiń eń joǵarǵy satysynda turady jáne ózdiginen ań aýlaýǵa beıimdelýi kerek.
— Olar ózderi ań aýlaýy kerek. Onyń ishinde qasqyr bolýy múmkin, qulan bolýy múmkin. Qazir tabıǵat ózin-ózi retteıdi. Al jolbarys qorektik tizbektiń eń joǵarǵy deńgeıinde turady, — dedi Álibek Qýantyrov.
Jolbarys — iri jyrtqysh. Ol tabıǵı ortada ártúrli jabaıy janýarlarmen qorektenedi. Sondyqtan onyń tarıhı mekenine qaıta oralýy jergilikti janýarlar dúnıesindegi tabıǵı baılanystardyń qalpyna kelýine yqpal etýi múmkin.
Qazaqstanda jolbarystardy qaıta jersindirý baǵdarlamasynyń negizgi maqsattarynyń biri — jyrtqyshtardyń adamnyń kómeginsiz tirshilik etip, tabıǵı ortada qorek tabýyna jaǵdaı jasaý.
Aıta keteıik, buǵan deıin Qazaqstanǵa ákelingen alǵashqy jolbarystyń tabıǵı ortaǵa beıimdelip, ózdiginen ań aýlaı bastaǵany habarlanǵan bolatyn.
