Jolaýshynyń shabadanyn búldirip, aıyppul tólegisi kelmegen kompanııa sotta jeńilip qaldy

ShYMKENT. QazAqparat - SCAT áýe kompanııasy jolaýshynyń múlkin búldirgeni úshin aıyppul tóleıtin boldy. Sot tutynýshylar quqyǵyn qorǵaý komıtetiniń sheshimin zańdy dep tapty, dep habarlaıdy QazAqparat.

Bıylǵy shilde aıynda Shymkent qalasynyń tutynýshylar quqyǵyn qorǵaý aýmaqtyq departamenti QR «Ákimshilik quqyq buzý týraly» kodeksiniń 190-baby besinshi bóligi boıynsha «SCAT» avıakompanııasyna aıyppul saldy.

« 2021 jylǵy 9 qarashada avıakompanııa Nur-Sultan – Almaty baǵyty boıynsha DV714 reısin oryndaǵan kezde I. atty azamatshanyń shabadany búlingen. Tekserý barysynda avıakompanııa «Tutynýshylar quqyǵyn qorǵaý týraly» zańnyń 42-4-babynyń 5-tarmaǵynda kózdelgen talapty oryndamaǵany anyqtaldy. Oǵan sáıkes tutynýshynyń narazylyǵyna jaýap ony kásipkerlik sýbektisi alǵan kúnnen bastap kúntizbelik 10 kúnnen keshiktirilmeıtin merzimde usynylady», - dep túsindirdi Shymkent qalasy boıynsha departament ókili B. Salhojaev.

Joǵaryda atalǵan qaýlymen kelispegen SCAT avıakompanııasy sotqa júgindi.

Sot avıakompanııanyń shaǵymyn qanaǵattandyrmady.

Foto: Qazaqstan Respýblıkasy Saýda jáne ıntegratsııa mınıstrliginiń Tutynýshylardyń quqyqtaryn qorǵaý komıteti