Jolaýshyny júksalǵyshta tasymaldaǵan avtobýs júrgizýshisi jaýapqa tartyldy
KÓKShETAÝ. QazAqparat - Aqmola oblysynda jolaýshyny júksalǵyshta tasymaldaǵan avtobýs júrgizýshisi jaýapkershilikke tartyldy. Er adamǵa 15 AEK deıin aıyppul salynýy múmkin, dep habarlaıdy QazAqparat tilshisi ІІD baspasóz qyzmetine silteme jasap.
Vedomstvonyń məlimetinshe, oqıǵa 16 qyrkúıek kúni oryn alǵan. Ony «Rýbej - Býrabaı» qorshaý júıesi statsıonarlyq beketinde jol-patrýl polıtsııasy batalonynyń qyzmetkerleri anyqtaǵan. Jol qozǵalysyn baqylap júrgen polıtsııa qyzmetkerleri saǵat 10:00 shamasynda Túrkistan oblysynyń 28 jastaǵy turǵyny tizgindegen «Kaessbohrer» avtobýsyn toqtatqan.
«Júrgizýshiniń qujattaryn tekserý kezinde tərtip saqshylary jolaýshylar kóliginiń júksalǵyshy jatyn oryn retinde jabdyqtalǵanyn jəne onda bir jolaýshynyń bolǵanyn anyqtady», - dep málim etti vedomstvodan.
Osyǵan baılanysty júrgizýshiniń ústinen QR ƏQBK 590-babynyń 7-bóligi boıynsha əkimshilik hattama toltyryldy.
Atalmysh sanktsııa boıynsha kólik júrgizýshisine 15 AEK kóleminde aıyppul qarastyrylǵan.
