Jolaýshyny jasyl dárimen jýynýǵa májbúrlegen qostanaılyq sot aldyna barady
ASTANA. QazAqparat - Qostanaıda jolaýshysyn suıyq jasyl dárimen jýynýǵa májbúrlegen taksı júrgizýshisi sotqa tartyldy, dep habarlaıdy «QazAqparat» HAA tilshisi Qostanaı oblysy prokýratýrasynyń baspasóz ortalyǵyna silteme jasap.
«Іs mán-jaıy qaralyp, aqyrǵy sheshim qabyldanýy úshin Qostanaı q. №2 sotyna jiberildi», delingen habarlamada.
Buǵan deıin BAQ betterinde habarlanǵandaı, ózin Murat aǵa dep tanystyrǵan qostanaılyq taksı júrgizýshisi jol aqysyn tólemegen boıjetkendi jasyl suıyq dárimen betin jýýǵa jáne ózinen keshirim suraýǵa májbúr etken.
«Óziniń zańǵa qaıshy áreketin B. esimdi azamat qoǵamǵa degen nemquraılylyǵyn aınalaǵa kórsetý maqsatynda kameraǵa túsirip alǵan», - delingen baspasóz paraǵynda.
Odan keıin B. vıdeony óz tanystaryna jibere bastaǵan, osylaısha vıdeo áleýmettik jelige tarap ketken. Qalalyq ІІB sotqa deıingi tergeý jumystaryn bastap ketti.
Qylmystyq tergeý organdary B. áreketterin QR QK 293-baby, 1-bóligine (buzaqylyq) sáıkes dep tapty jáne bul bap boıynsha 2000-4000 deıingi AEK merziminde aıyppul salý jáne 2 jylǵa deıin bas bostandyǵynan aıyrý jazasy kózdelgen.
