Jolaýshyny tvıtterdegi jazbadan keıin ushaqqa kirgizbedi
ASTANA. QazAqparat - Óz tvıtterinde áýe kompanııasynyń qyzmet kórsetý sapasyna shaǵymdanǵany úshin jolaýshyny ushaqqa kirgizbedi, dep habarlady RBK.
Daff Ýotson balalarymen birge Southwest Airlines kompanııasynyń áýe reısimen Denverden Mınneapolıske ushpaq bolǵan. Jolaýshy qyzmet kórsetken kezde artyqshylyq beretin "A-list" arnaıy baǵdarlamasynyń qatysýshysy bolǵan.
Onyń balalary basym qyzmet kórsetetin paraqqa engizilmegenine qaramastan, budan buryn otbasynda qolaısyz jaǵdaı týyndamaǵan. Alaıda bul joly ushaqqa buryn kirýge ruqsat bermedi. Ýotson óz tvıtterinde óreskel qyzmet kórsetkeni úshin dereý shaǵymdandy, ashýǵa býlyqqan ol áýe kompanııasynyń ataýyn, qyzmetkerdiń aty-jónin kórsetip, «qyzmetkeri dóreki» dep aıyptady.
Sodan keıin Daff balalarymen bortqa kóterilgen sátte onyń aty-jónin daýysty baılanyspen atap, ushaqtan túsýin talap etti. Bort jolserigi tvıtte jazylǵan jaǵdaı týraly málimdedi. "Siz habarlamany óshirińiz, bolmasa polıtsııa shaqyramyn", - dedi ol.
Áýe kompanııasy bolǵan jaǵdaı týraly aqparatty rastady jáne oǵan jeńildik berip, zalaldyń ornyn elý dollarmen toltyrýǵa tyrysty. Biraq Daff pen onyń otbasy endi bulardyń qyzmetin paıdalanbaıtyn bolyp sheshti.
«Men óz qaýipsizdigimdi qorǵaı alamyn, tek balalarym mundaı jaǵdaıǵa qalǵanyn qalamaımyn», - dedi ol.
