Jolaýshylary tóbeles shyǵarǵan ushaq qonýǵa májbúr boldy
ASTANA. QazAqparat - Brıýsselden Maltaǵa ushyp bara jatqan Ryanair áýe kompanııasynyń ushaǵy bortyndaǵy jolaýshylar arasynda tóbeles shyqqan soń Italııanyń Pıza qalasyna qonýǵa májbúr boldy, dep jazady belgııalyq Soir basylymy.
Oqıǵaǵa kýá bolǵan azamattardyń biri ony uıaly telefonǵa túsirip alǵan, dep habarlady Rıa Novostı agenttigi.
Tóbeles Shyǵys Eýropa elderinen kelgen jolaýshylardyń shekten tys dórekiliginen týyndaǵan. Olardyń qaı ulttyń ókili ekenderi belgisiz. Ekıpaj músheleri tóbelesken azamattardy ajyratyp alǵan. Soǵan qaramastan ekıpaj komandıri ushaqty jerge qondyrý qajet degen sheshim qabyldaǵan.
Osylaısha, Italııanyń Pıza qalasyna qonǵan ushaqtyń ekıpaj músheleri 4 buzyq jolaýshyny túsirip tastady.
