Jolaýshylarǵa qaraqshylyq shabýyl jasaǵan qylmysker Qazaqstanǵa ekstradıtsııalandy - ІІM
ASTANA. Qarashanyń 23-i. QazAqparat /Jasulan Amanbaıuly/ - 11 jyl buryn Óskemen - Semeı kúre jolynda atys qarýyn qoldaný arqyly qaraqshylyq shabýyl jasap, 10 mln. teńgeni alyp ketken qylmysker elge ekstradıtsııalandy.
Bul týraly búgin jýrnalıstermen bolǵan brıfıngte Іshki ister mınıstrligi Krımınaldyq polıtsııa komıtetiniń tóraǵasy Sultan Kúsetov málim etti, dep habarlaıdy QazAqparat.
44 jasar Qazaqstan azamaty qarashanyń 16-sy kúni Reseı jerinen elge qaıtaryldy. Ol osydan on bir jyl buryn Óskemen - Semeı kúre jolynda eki azamatqa qaraqshylyq shabýyl jasap, 10 mln. teńge aqshalaryn tartyp alyp ketken bolatyn.
