Jolaýshylardy tasymaldaý tarıfteri 7 paıyzǵa ózgerdi - TMRA
ASTANA. 15 qańtar. QazAqparat - 2014 jylǵy 1 qańtardan bastap jolaýshylardy tasymaldaý tarıfteri 7 paıyzǵa ózgerdi.
Bul týraly búgin Astanada QR Tabıǵı monopolııalardy retteý agenttiginiń tóraǵasynyń orynbasary Amanjol Alpysbaev málim etti.
Atalmysh ózgerister Qazaqstannyń 2010-2014 jyldarǵa arnalǵan Kóliktik ınfraqurylymdy damytý jónindegi Úkimet qaýlysynyń aıasynda oryn alǵan josparly qadam. Sebebi tarıfterdiń joǵarylaýy esebinen birqatar sharalar qolǵa alynady dep kútilýde.
«Baǵdarlamanyń sheńberinde halyqtyń suranysyn qanaǵattandyrý maqsatynda «Astana - Qyzylorda», «Almaty - Tashkent», «Astana - Zaşıta», «Almaty - Zaşıta» jáne «Almaty - Aqtóbe» baǵyttarynda 5 jańa júrdek baǵdarlar uıymdastyrylady. Sondaı-aq 2014 jyly 150 jolaýshy vagonyn satyp alý josparlanyp otyr», - dedi.
