Jolaýshylardy tasymaldaý salasynda keıbir memlekettik fýnktsııalar básekelestik ortaǵa beriledi
«Jyldyń sońyna deıin otandyq óndiristiń avtobýstaryn satyp alý úshin jeńildetilgen nesıeleý baǵdarlamasy aıasynda 500 birlikke óńirlerdiń avtobýs parkin jańartý; jolaýshylardy tasymaldaý salasynda keıbir memlekettik fýnktsııalardy básekeles ortaǵa berý; tasymaldaý jáne ruqsat qujattaryn elektrondy formatqa aýystyrý, ıanǵı kólik qujattaryn basqarýdyń biryńǵaı júıesin engizý arqyly joldama paraq, taýar-kólik júk qujatyn elektrondy formatqa kóshirý; elimizde qalalyq jolaýshylar tasymalyn damytý jónindegi sharalar keshenin iske asyrý júrgiziledi», - dedi mınıstr.
Onyń atap ótýinshe, halyqaralyq júk tasymalyn júzege asyratyn otandyq tasymaldaýshylaryn qoldaý júrgiziledi. Tehnıkalyq baıqaýdyń aqparattyq júıesin jetildirý, tehnıkalyq baıqaý operatorlarynyń jaýapkershiligin kúsheıtý, zańnamalyq túzetýler engizý de josparlanǵan.
«Sonymen qatar, tehnıkalyq baıqaýdy ashý protsedýralaryn jeńildetý jalǵan tehnıkalyq baıqaýdyń paıda bolýyna yqpal etti. Buzýshylyqtardy boldyrmaý úshin biz múddeli memlekettik organdarmen birlesip, jol kartasyn ázirledik. Jol kartasy tehnıkalyq baıqaý men baqylaý-profılaktıkalyq is-sharalardyń biryńǵaı aqparattyq júıesin zańnamalyq qamtamasyz etýdi, jetildirýdi kózdeıdi. Bul sharalar barlyq jol qozǵalysyna qatysýshylardyń qaýipsizdik jaǵdaıyna oń áser etetinine senimdimin», - dedi Beıbit Atamqulov.
